नाशिक – कोलकाता येथील दी इन्स्टिट्यूट ऑफ कॉस्ट अँड मॅनेजमेंट अकाउंटंसऑफ इंडिया ( The Institute of Cost and Management Accountants of India) तर्फे संपूर्ण भारतभर घेतल्या जाणाऱ्या CMA Foundation September 2020 या परिक्षेचा निकाल नुकताच जाहीर झाला. या परिक्षेत यश मिळवणा-या विद्यार्थ्यांचा ऑनलाइन सत्कार रविवारी करण्यात आला. यावेळी आयसीएआयच्य संस्थेचे माजी अध्यक्ष तसेच नाशिकचे प्रसिद्ध कॉस्ट अकाउंटेंट सीएमए रविन्द्र देवधर हे उपस्थितीत होते. त्यांनी यशस्वी विद्यार्थ्यांचे अभिनंदन केले व पुढील वाटचाली साठी मार्गदर्शन केले. आयसीएआयचे पश्चिम विभागाचे पुणे येथील सभासद सिएमए चैतन्य मोहरीर यानी देखील विद्यार्थ्यांना पुढील अभ्यासक्रमा बद्दल मार्गदर्शन केले व शुभेच्छा दिल्या.
या परीक्षेत नाशिक शाखेच्याच्या विद्यार्थ्यांनी उज्ज्वल यशाची परंपरा कायम राखत याही वर्षी घवघवीत यश संपादन केल्यामुळे त्यांच्यावर सर्वांनी अभिनंदानाचा वर्षाव केला. अत्यंत कठीण समजल्या जाणाऱ्या सीएमए. (CMA) परीक्षेतील या यशस्वी विद्यार्थ्यांचे सर्वच स्तरातून अभिनंदन करण्यात आले.
कॉस्ट (Cost) अकाउंटंस (Accountants) या परीक्षेचा अभ्यासक्रम आणि परीक्षांचे आयोजन हे केंद्र सरकारच्या दी इंस्टिट्यूट ऑफ कॉस्ट अकाउंटेंट्स ऑफ इंडिया (ICMAI) या संस्थेच्या वतीने केले जाते. दी इंस्टिट्यूट ऑफ कॉस्ट अकाउंटेंट्स ऑफ इंडिया च्या वतीने १२ वी नंतरच्या विद्यार्थ्यांसाठी सर्वप्रथम फाउंडेशन (Foundation) ही परीक्षा घेण्यात येते. ही परीक्षा उत्तीर्ण झालेले विद्यार्थी हे पुढिल इंटरमेडिएट (Intermediate) परीक्षेच्या प्रवेशासाठी पात्र ठरतात. दी इंस्टिट्यूट ऑफ कॉस्ट अकाउंटेंट्स ऑफ इंडियातर्फे ६ सप्टेबर मध्ये अखिल भारतीय स्तरावर ऑनलाईन पद्धतीने ही परीक्षा घेण्यात आली. या परीक्षांचा निकाल २० सप्टेबर रोजी जाहीर झाला. पण, कोरोनामुळे जाहीर कार्यक्रम घेता आला नाही. त्यामुळे ऑनलाइन सत्कार कार्यक्रमाचे आयोजन करण्यात आले.
या परीक्षांचा नाशिक विभागाचा निकाल असा होता
नाशिक विभागातून फाउंडेशनसाठी एकुण ३८ विद्यार्थी बसले होते. त्यापैकी २४विद्यार्थी उत्तीर्ण झाले आहे. कुमारी गोदावरी घनवट ही विद्यार्थी नाशिक जिल्ह्यात प्रथम आली असुन श्रावणी वाघ ही दुसऱ्या व अभिषेक जांगिड हा जिल्ह्यात तिसरा आला आहे. (ICMAI) आयसीएमअेआयच्या नाशिक चॅप्टरचे अध्यक्ष कैलास शिदे, उपाध्यक्ष अर्पिता फेगड़े, स्वप्निल खराडे, मयुर निकम ,खजिनदार दीपक जगताप, सभासद भुषण पागेरे, दीपक जोशी, निखिल पवार, आरिफ़ मंसूरी
यांनी सर्व उत्तीर्ण विद्यार्थ्यांचे या कार्यक्रमात अभिनंदन करत शुभेच्छा दिल्या.
नवीन ऍडमिशन देखील सुरु
सीएमए(CMA) कोर्ससाठी नवीन ऍडमिशन देखील सुरु झाले आहे.
अधिक माहितीसाठी 0235-2500150/2509989 | www.icmai.in | nasik@icmai.in येथे संपर्क करावा.
