मुंबई (इंडिया दर्पण वृत्तसेवा) – मुख्यमंत्री लाडकी बहिण योजनेवर विरोधकांनी जोरदार सरकारवर निशाणा साधला आहे. तर राष्ट्रवादी काँग्रेसच्या शरद पवार गटाच्या खासदार सुप्रिया सुळे यांनी सडकून टीका केली आहे. त्यानंतर आता भाजपच्या महिला प्रदेशाध्यक्ष चित्रा वाघ यांनी त्याला प्रत्त्युत्तर दिले आहे.
त्यांनी सोशल मीडियावर एक पोस्ट टाकत म्हटले आहे की, बारामतीच्या मोठ्या ताई….सुप्रिया सुळे…तुम्ही गल्लत करताय…प्रेम प्रेमाच्या जागी असतं आणि कुटुंबाची चिंता कुटुंबातच…ज्यांना छोट्या-छोट्या गोष्टींसाठी संघर्ष करावा लागतो, त्यांनाच १५०० रुपयाचे मोल कळते. लवासाताई…..११० कोटी रुपये जे फक्त वांग्यातून कमवतात, त्यांना ते कसे कळणार..?
आणि हो, ज्यांना प्रेम असते, तेच योजना आणतात, जे फक्त स्वतःचा विचार करतात, त्यांना अशा योजना सुचू शकत नाही. त्यामुळे विरोध करण्यापलीकडे तुमच्याही हाती काहीच नाही… असे म्हटले आहे.
आता या टीकेवर सुप्रिया सुळे काय उत्तर देतात हे महत्त्वाचे आहे.
