चीनमध्ये कोविड परिस्थिती हाताबाहेर; पाच शहरांमध्ये नागरिकांचे रस्त्यावर उतरुन आंदोलन

इंडिया दर्पण ऑनलाईन डेस्क – झिरो कोविड धोरणांतर्गत कडक लॉकडाऊनच्या विरोधात चीनमध्ये सरकारविरोधी निदर्शने तीव्र होत आहेत. शांघायमध्ये एका आंदोलनाचे कव्हरेज करणाऱ्या पत्रकारावर हल्ला झाल्याची बातमी आहे. मीडिया हाऊसने वृत्त दिले की कॅमेरामन एडवर्ड लॉरेन्सला सरकारविरोधी निषेध कव्हर करताना ताब्यात घेण्यात आले आणि चिनी पोलिसांनी अनेक तास मारहाण केली.

मीडिया हाऊसचे प्रवक्ते म्हणाले की, आमचे पत्रकार एडवर्ड लॉरेन्स यांच्या प्रकृतीबाबत आम्ही खूप काळजीत आहोत. शांघायमध्ये एका निषेधाचे कव्हर करत असताना त्याला ताब्यात घेण्यात आले आणि मारहाण करण्यात आली. त्याला पोलिसांनी लाथही मारली, असे प्रवक्त्याने सांगितले.
या प्रकरणी चीनकडून कोणतेही स्पष्टीकरण किंवा माफी मागितलेली नाही, असे मीडिया हाऊसच्या वतीने सांगण्यात आले आहे. या घटनेचा एक व्हिडिओही व्हायरल होत आहे. व्हिडीओमध्ये दिसणारी व्यक्ती पत्रकार लॉरेन्स असल्याचे सांगितले जात आहे, ज्याला पोलिसांनी ताब्यात घेतले आहे.

वुहानमध्ये निदर्शने
चीनमध्ये कडक लॉकडाऊनविरोधात सरकारविरोधी निदर्शने तीव्र होत आहेत. रविवारीही चीनच्या रस्त्यावर मोठ्या संख्येने नागरिक दिसले आणि त्यांनी झिरो कोविड पॉलिसी रद्द करण्याची मागणी केली. मिळालेल्या माहितीनुसार, चीनमधील प्रमुख शहर बीजिंग आणि शांघायनंतर आता हे प्रदर्शन वुहानमध्ये पोहोचले आहे. चीनमध्ये सुरू असलेल्या आंदोलनाचे अनेक व्हिडिओही सोशल मीडियावर येत आहेत. चीनमधील सरकारी निदर्शने आतापर्यंत चेंगडू, शियान, वुहान, बीजिंग, शांघाय या पाच मोठ्या शहरांमध्ये पोहोचली आहेत.

चीनमधील उरुमकी येथील एका इमारतीत आग लागली. या घटनेत १० जण जिवंत जाळले तर ९ जण जखमी झाले. लोकांचा आरोप आहे की कडक लॉकडाऊनमुळे मदत वेळेवर पोहोचली नाही, त्यामुळे ही घटना घडली. यानंतर विद्यापीठातील अनेक विद्यार्थ्यांसह मोठ्या संख्येने लोक रस्त्यावर उतरले आणि त्यांनी आंदोलन तीव्र केले.
गेल्या एका आठवड्यापासून चीनमध्ये कोरोनाचा संसर्ग वेगाने पसरत आहे. शनिवारी येथे २४ तासांत ४० हजार बाधितांची नोंद झाली आहे. यापूर्वी येथे ३५ हजार बाधित आले होते. गेल्या काही दिवसांवर नजर टाकली तर ३० हजारांहून अधिक प्रकरणे सातत्याने समोर येत आहेत.

चीनमध्ये कडक लॉकडाऊनच्या विरोधात सुरू असलेली निदर्शने लंडनपर्यंत पोहोचली आहेत. मीडिया रिपोर्ट्सनुसार, लंडनमधील चिनी दूतावासाबाहेर लोक जमले आणि त्यांनी सरकारविरोधात घोषणाबाजी केली. यावेळी लोकांनी मेणबत्त्या पेटवून उरुमकी येथील अपघातात प्राण गमावलेल्या लोकांना श्रद्धांजली वाहिली.

https://twitter.com/disclosetv/status/1596822446643953664?s=20&t=I6RwS9IapVH0-OI-DcNkng

China Covid Policy Citizens Agitation Protest