काठमांडू (नेपाळ) – भारताकडून मोफत लस घेऊनही नेपाळने चीनकडून लस घेतली आणि त्याचा त्यांना चांगलाच फटका बसला. कारण चीनने किंमत वाढवून नेपाळला लस विकले आणि त्याचा उल्लेख न करण्याचा दमही दिला. पण नेपाळच्या माध्यमांनी ही बाब उघडकीस आणल्यामुळे सध्या चीनी सरकार संतापलेले आहे. नेपाळसोबत झालेला धोका सध्या जगात चर्चेचा विषय बनलेला आहे.
नेपाळच्या माध्यमांनी सिनोफार्म लसीच्या एका डोसची किंमत ७४१ रुपये असल्याचे वृत्त प्रकाशित केले. या दराने लस घेऊन कोरोनाच्या दुसऱ्या लाटेवर मात करण्याचा नेपाळचा प्रयत्न आहे. नेपाळमध्ये नव्याने स्थापन झालेल्या ओली सरकारने चीनकडून ४० लाख डोस खरेदी करण्याचा निर्णय घेतला आहे.
चीनच्या सिनोफार्म कंपनीने ही अट ठेवली आहे की, नेपाळने या लसीच्या मुळ किंमतीचा उल्लेख करायचा नाही. किंमत आणि डिलेव्हरीची तारीख सार्वजनिक करू नका, असेही या कंपनीने म्हटले होते. मात्र माध्यमांमध्ये आल्यावर चीनचा तीळपापड झाला आहे.
नॉन डिस्क्लोजर करारांतर्गत लस खरेदी करण्यास तयार असाल तरच लस मिळेल, असा दम सुरुवातीलाच चीनने नेपाळला दिला होता. नेपाळपुढे पर्याय नसला तरीही माध्यमांनी सिनोफार्म कंपनीच्या दोन डोसची किंमत जवळपास १ हजार ४८२ रुपये आहे, असा खुलासा बातम्यांमधून केला. विशेष म्हणजे भारताने तर यापेक्षा कितीतरी कमी किंमत नेपाळला लस दिली आहे.
नेपाळ सरकारचे स्पष्टीकरण
माध्यमांमध्ये आलेले वृत्त खोटे असून अद्याप अशा प्रकारचा कुठलाही निर्णय झालेला नाही. चीनसह इतरही देशांकडून लस खरेदी करण्याची प्रक्रिया सुरू आहे. चीनने नेपाळला प्राधान्य द्यावे, असा प्रस्ताव दिला आहे, असे नेपाळ सरकारच्या आरोग्य मंत्रालयाने स्पष्ट केले आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
