येवला (इंडिया दर्पण वृत्तसेवा) – आजवर अनेकांनी माझी पतंग कापण्याचा प्रयत्न केला आहे. अजूनही तसे प्रयत्न सुरू आहेत. मी मात्र कदीही कुणाची पतंग कापली नाही किंवा तसे धंदाही करत नाही. तरीही माझ्या पतंगीवर अनेकांचे लक्ष असते, अशी प्रतिक्रीया पालकमंत्री छगन भुजबळ यांनी दिली.
मकरसंक्रांतीच्या पार्श्वभूमीवर येवला शहरात मोठ्या उत्साहात पंतग उत्सव साजरा करण्यात येतो. यंदा या उत्सवावर कोरोनाचे सावट असल्याने मोजक्याच लोकांच्या उपस्थित पालकमंत्री छगन भुजबळ यांनी पतंग उत्सवाचा आनंद घेतला. यावेळी उत्सव साजरा करत असतांना नागरिकांनी कोरोनाबाबत अधिक काळजी घेण्याचे आवाहन त्यांनी केले. यावेळी जिल्हा परिषदेचे सभापती संजय बनकर, जिल्हा परिषदेचे माजी अध्यक्ष राधाकिसन सोनवणे, मोहन शेलार,वसंत पवार, ज्ञानेश्वर शेवाळे, सचिन कळमकर इ. उपस्थित होते.
भुजबळ यांच्या विरोधात आम आदमी पक्षाच्या नेत्या अंजली दमानिया या मुंबई उच्च न्यायालयात गेल्या आहेत. यासंदर्भात त्यांना विचारले असता ते म्हणाले की, न्यायालयानेच आम्हाला केसमधून डिस्चार्ज केले आहे. त्यामुळे आम्हाला फारशी चिंता नाही, असे भुजबळ यांनी स्पष्ट केले.
