पुणे (इंडिया दर्पण वृत्तसेवा) – गेल्या काही वर्षांमध्ये मोबाईल आणि त्यामधील अॅपचा वापर वाढला आहे. विशेषतः व्हॉटसअपचा उपयोग अधिक होत असून आता प्रियजनांशी चॅट करण्यासाठी, फोटो, व्हिडिओ आणि कागदपत्रे शेअर करण्यासाठी होत आहे. इतकेच नव्हे तर तुमचे बँक बॅलन्स तपासण्यासाठी देखील व्हॉटसअप (WhatsApp ) वापरू शकता. व्हॉटसअप तुम्ही तुमच्या बँक बॅलन्सचे तपशील काही सेकंदात मिळवू शकता. यासाठी काय करावे लागेल, हे सविस्तर सर्व काही जाणून घेऊ या…
व्हॉटसअप पेमेंट्स ही UPI आधारित सेवा आहे जी बीटा चाचणीचा भाग म्हणून 2018 मध्ये पहिल्यांदा लाँच करण्यात आली होती. नोव्हेंबर 2020 मध्ये देशातील सर्व मोबाईल वापरकर्त्यांसाठी हे वैशिष्ट्य उपलब्ध करून देण्यात आले. व्हॉटसअप हे पेमेंट्स नॅशनल पेमेंट्स कॉर्पोरेशन ऑफ इंडिया (NPCI) च्या भागीदारीमध्ये विकसित केले गेले आहे आणि 227 पेक्षा जास्त बँकांच्या भागीदारीत रिअल-टाइम पेमेंट सिस्टम प्रदान करते.
सदर वैशिष्ट्य हे वापरकर्त्यांना त्वरित पैसे पाठवू आणि प्राप्त करण्यास अनुमती देते. हे अॅपवरून त्यांच्या बँक खात्यातील शिल्लक तपासण्याची सुविधा देखील देते. व्हॉटसअप द्वारे बँक खात्यातील शिल्लक तपासण्याचे दोन मार्ग आहेत. तुम्ही एकतर अॅपवरील सेटिंग्ज विभागातून शिल्लक तपासू शकता किंवा पैसे पाठवताना पेमेंट स्क्रीनवरून ते तपासू शकता.
व्हॉटसअप वर बँक बॅलन्स तपासण्यासाठी खाली दिलेल्या या स्टेप्स फॉलो करा…
स्टेप्स 1: सेटिंग्जमधून तुमच्या बँक खात्यातील शिल्लक तपासा.
स्टेप्स 2: तुमच्या फोनवर व्हॉटसअप उघडा.
स्टेप्स 3: तुमच्याकडे Android असल्यास, अधिक पर्यायावर टॅप करा. तुमच्याकडे आयफोन असल्यास, सेटिंग्जवर टॅप करा.
स्टेप्स 4: आता, पेमेंट वर टॅप करा.
स्टेप्स 5: पेमेंट पद्धती अंतर्गत, संबंधित बँक खात्यावर टॅप करा.
स्टेप्स 6: येथे, खात्यातील शिल्लक पहा वर टॅप करा आणि तुमचा UPI पिन प्रविष्ट करा.
व्हॉटसअपवर पैसे पाठवण्यापूर्वी असा तपासा बँक बॅलन्स…
स्टेप्स 1: पैसे पाठवताना तुमच्या खात्यातील शिल्लक तपासा
स्टेप्स 2: पेमेंट मेसेज स्क्रीनवरून, तुमच्या उपलब्ध पेमेंट पद्धतीवर टॅप करा.
स्टेप्स 3 : खात्यातील शिल्लक पहा वर टॅप करा.
स्टेप्स 4 : तुमच्या व्हॉटसअप खात्याशी अनेक बँक खाती जोडलेली असल्यास, संबंधित बँक खाते निवडा.
स्टेप्स 5: तुमचा UPI पिन एंटर करा.
