चारधाम यात्रा: बद्रीनाथला भाविकांच्या गर्दीने मोडला उच्चांक

इंडिया दर्पण ऑनलाईन डेस्क – भारतीय संस्कृतीत चारधाम यात्रेला अत्यंत महत्त्वाचे स्थान आहे. दरवर्षी हजारो भाविक चारधाम यात्रेसाठी देशभरातील विविध प्रांतांमधून रवाना होतात. मात्र गेल्या काही वर्षात चारधाम यात्रेसाठी जाणाऱ्या भाविकांच्या संख्येत लक्षणीय वाढ झाली आहे. यंदा तर महिनाभरातच चारधाम यात्रेसाठी म्हणजेच बद्रीनाथ तीर्थक्षेत्रच्या दर्शनासाठी जाणाऱ्या भाविकांची प्रचंड गर्दी झाल्याने गर्दीचा एक नवा उच्चांक प्रस्थापित होण्याच्या मार्गावर आहे.

यंदा बद्रीनाथमध्ये यात्रेकरूंची वर्दळ कायम असते. गर्दी पाहून या महिन्यात प्रवासाचा नवा विक्रम होऊ शकतो, असा अंदाज वर्तवला जात आहे. भाविकांचा हा प्रवास नोव्हेंबरपर्यंत चालतो. त्यामुळे अशा परिस्थितीत यावेळी नवा विक्रम प्रस्थापित होणार आहे. बद्रीनाथ धामची यात्रा दि. 8 जून रोजी सुरू झाली. सन 2019 मध्ये सर्वाधिक प्रवासी बद्रीनाथला पोहोचले. तेव्हा हा आकडा 12 लाखांपेक्षा थोडा जास्त होता.

यंदा महिनाभरात धाम गाठणाऱ्या प्रवाशांची संख्या 6,09,695 झाली आहे. हाच क्रम असाच सुरू राहिला तर लवकरच जास्तीत जास्त प्रवाशांचा नवा विक्रम होणार आहे. प्रशासनासोबतच, बद्रीनाथ केदारनाथ मंदिर समितीनेही कोरोनाच्या दोन वर्षांनंतर यात्रा सुरू झाली तेव्हा मोठ्या संख्येने प्रवाशांची अपेक्षा केली होती. पण महिनाभरात प्रवाशांची संख्या सहा लाखांच्या पुढे जाईल, अशी कोणालाच अपेक्षा नव्हती. प्रवाशांची संख्या जास्त असल्याने पोलीस, प्रशासन आणि बीकेटीसी यांनाही बंदोबस्तासाठी धडपड करावी लागत आहे.

दरम्यान, केदारनाथ यात्रेला पोहोचलेल्या महाराष्ट्रातील संभल जोशी ( 63 ) या महिला प्रवाशाचा हृदयविकाराच्या झटक्याने मृत्यू झाला. पोलिसांनी पंचनामा करून मृतदेह शवविच्छेदनासाठी जिल्हा रुग्णालयात पाठवला आहे. मंदिराचे दरवाजे उघडल्यापासून आतापर्यंत 71 प्रवाशांचा मृत्यू झाला आहे, हा आकडा 2012 नंतरचा सर्वाधिक आहे. त्यावेळी संपूर्ण यात्रेदरम्यान 72 यात्रेकरूंचा मृत्यू झाला होता.
केदारनाथ मंदिर रस्त्यावर तीनशे मीटर लांबीचे वॉटर प्रूफ रेन शेल्टर बसवण्यात आले आहे. जिल्हा दंडाधिकारी दीक्षित यांनी सांगितले की, प्रवाशांना तासनतास रांगेत उभे राहावे लागते. अशा परिस्थितीत पाऊस आणि कडक उन्हामुळे त्यांची अडचण होत होती. गोलाकार चबुतरा ते मंदिर संकुलाच्या पहिल्या पायरीपर्यंत रेन शेल्टर बसवण्यात आले आहे.

बद्रीनाथमधील गेल्या काही वर्षातील भाविकांची संख्या अशी
2014 -1,80,000
2015 – 3,59,146
2016 – 6,20,000
2017 – 8,84,788
2018 – 10,58,490
2019 – 12,40,929
2020 – 1,45,328
2021 – 1,97,742
2022 – 6,09,695 (महिनाभरातच)