चांदवड – येथील यशोधन हॉटेलसमोर मालेगावकडून नाशिककडे जाणा-या रोडवर गुरुवारी रात्री साडेआठ वाजेच्या सुमारास आयशरट्रक व दुचाकी यांच्यात धडक होऊन एक महिला ठार तर एक जण जखमी झाले. या अपघातात कुसुम व्यकंटराव पवार (४७) रा. आडगावटप्पा या ठार झाल्या तर व्यंकटराव दावल पवार (५१) हे गंभीर जखमी झाले आहे. आयशर ट्रकच्या चालकांने मालेगावकडून नाशिककडे जातांन भरधाव वेगाने रस्त्याचे परिस्थितीकडे दुर्लक्ष केल्यामुळे हा अपघात झाला. हा अपघात झाल्यानंतर दोघांनाही उपजिल्हा रुग्णालयात उपचार करण्यात आले. त्यानंतर अधिक उपचारासाठी मालेगाव येथे पाठविण्यात आले. तेथे उपचार सुरु असतांना कुसुम पवार या मरण पावल्या. या अपघात प्रकरणी चांदवड पोलीस स्टेशनला अपघाताचा गुन्हा दाखल करण्यात आला आहे. अधिक तपास पोलीस हवालदार बी.डी.गुळे व पोलीस नाईक सुनील जाधव हे करीत आहेत.
चांदवड – आयशर ट्रकने दुचाकीला दिलेल्या धडकेत एक महिला ठार तर एक जण जखमी
