चांदवड – माजी आमदार शिरीषकुमार कोतवाल यांच्या अंगावर कांद्याचे शेडचा पत्रा पडल्यामुळे ते किरकोळ जखमी झाले. चांदवड येथे प्रथम उपचार करून अधिक उपचारासाठी त्यांना नाशिक येथे नेण्यात आल्याची माहिती मिळत आहे. पाच वाजेच्या सुमारास ही घटना मनमाड रोड वरील आनंद कोतवाल यांच्या कांद्याच्या शेडमध्ये घडली. कोतवाल शेतातील निवासस्थानी जाण्यासाठी निघाले असता अचानक पावसाने जोर धरल्याने ते या शेडमध्ये थांबले होते. अचानक वादळामुळे शेड कोसळले त्यात ते किरकोळ जखमी झाले.
