चांदवड (इंडिया दर्पण वृत्तसेवा)- तालुक्यातील वडनेर-भैरव येथे परप्रांतीय लहान मुलाचे अपहरण करुन त्याचा केला खून केल्याची धक्कादायक घटना घडली आहे. येथील परप्रांतीय संतोष भागवत हा मोलमजूरी करणारा व्यक्तीचा ७ वर्षीय मुलाचे तीन दिवसापुर्वी अज्ञात तरुणाने अपहरण केले होते. तो हरवल्याची फिर्याद वडनेर-भैरव पोलिसात दाखल झाली असतांना पोलिस त्याचा शोध घेत असतांना पोलिसांनी गावातील एका संशयिताला ताब्यात घेत त्याची चौकशी केली असता त्याने मुलाचा खून करुन तो मराठी शाळेजवळ मोकळ्या जागेत फेकल्याची माहिती दिल्यानंतर या खूनाचा उलगडा झाला.
आरोपीने माहिती दिल्यानंतर पोलिसांनी तेथे जात मृतदेह ताब्यात घेतला. अर्पितकुमार संतोष भगत असे त्या लहान मुलाचे नाव असून, दरम्यान लहान मुलाला एका मंदीरा जवळून आपल्या मागे येण्याचा अज्ञात तरुणाचा सीसीटीव्ही समोर आला असून त्या आधारे पोलिसांनी श्वान पथकाव्दारे शोध घेण्याचा प्रयत्न केला अखेर आज त्याचा मृतदेह शाळेच्या मोकळ्या जागेत झुडपात सापडला. या घटनेमुळे वडनेर-भैरव गावात चांगलीच खळबळ उडाली असून पोलिस या घटनेचा अधिक तपास करीत आहे.
