मुंबई (इंडिया दर्पण वृत्तसेवा)– डबल महाराष्ट्र केसरी चंद्रहार पाटील यांनी शिंदेच्या शिवसेनेत प्रवेश घेण्याचा निर्णय घेतला आहे. आज सायंकाळी ते ठाण्यातील नेहरु परिसरात पक्षप्रवेश करणार आहे. यानंतर एकनाथ शिंदेकडून त्यांना मोठी जबाबदारी दिली जाणार असल्याची माहिती समोर आली आहे.
२०२४ च्या लोकसभा निवडणुकीत शिवसेना ठाकरे गटाने त्यांना सांगली मतदार संघातून उमेदवारी दिली होती. या जागेसाठी काँग्रेसने जागा सोडण्याची मागणी केली होती. पण, ठाकरे गटाने या जागेवर दावा कायम ठेवत ही जागा पदरात पाडून घेतली. पण, या निवडणुकीत काँग्रेसचे बंडखोर उमेदवार विशाल पाटील हे निवडून आले तर चंद्रहार पाटील यांचा ५५ हजार मतांनी पराभव झाला.
पण, त्यानंतर चंद्रहार पाटील यांनी सत्तेत जाण्याचा निर्णय घेतला आहे. त्यांनी सोशल मीडियावर पोस्ट टाकत म्हटले आहे की, राज्यातील क्रीडा क्षेत्रामध्ये काम करत असताना ब-याच त्रृटी, अडचणी, गैरप्रकार मी अनुभवलेले आहेत. अशा बाबींविरुध्द मी वेळोवेळी आवाज देखील उठवला आहे. परंतु प्रत्यक्ष शासन सहभागाशिवाय असे प्रश्न मार्गी लागणे कठीण आहे. म्हणून क्रीडा क्षेत्रामध्ये सुसूत्रता आणण्यासाठी व सामाजिक क्षेत्रात काम करण्यासाठी मी आणि माझ्या सहका-यांनी सरकार सोबत जाण्याचा निर्णय घेतलेला आहे.
