इंडिया दर्पण ऑनलाईन डेस्क
आयसीसी चॅम्पियन्स ट्रॉफी स्पर्धेतील अंतिम सामन्यात भारतीय संघाने रविवारी दुबईत न्यूझीलंडचा पराभव करत विजेतेपद पटकावले. या सामन्यात न्यूझीलंडने २५२ धावांचे आव्हान भारतीय संघाला दिले होते. ते भारतीय संघाने ६ विकेट्स गमावून ४९ ओव्हरमध्ये पूर्ण करत २५४ धावा केल्या. भारतीय संघाने ही चॅम्पियन्स ट्रॉफी तिस-यांदा जिंकून न्यूझीलंडचा २५ वर्षांपूर्वीचा हिशोब चुकता केला. भारतीय संघाने याआधी २००२ (संयुक्त विजेता) आणि २०१३ साली चॅम्पियन्स ट्रॉफी जिंकली होती. त्यानंतर आता १४ वर्षांच्या प्रतिक्षेनंतर भारतीय संघाने ही कामगिरी करत वर्ल्ड रेकॅार्ड केला. आतापर्यंत एकाही संघाला ३ वेळा चॅम्पियन्स ट्रॉफी जिंकता आलेली नाही.
दुबईच्या आंतरराष्ट्रीय स्टेडियमवर हा सामना रंगला होता. भारतीय संघाचा या स्टेडियममधील ११ वा सामना होता. भारताचा हा दुबईतील १० वा एकदिवसीय विजय ठरला. तर एकमेव मॅच टाय झाली होती. रविवारच्या या सामन्यात न्यूझीलंडने प्रथम फलंदाजी करत ५० षटकांमध्ये ७ बाद २५१ धावा केल्या. या साम्यात डॅरियल मिचेलने ६३ धावांची खेळी केली आहे. ब्रेसवेलने नाबाद ५३ धावा केल्या. या सामन्यात भारतीय गोलंदाजांनी चांगली कामगिरी केली आहे. वरुण चक्रवती, कुलदीप यादवने प्रत्येकी दोन विकेट घेतल्या. तर रविंद्र जडेचा व मोहम्मद शमीने प्रत्येकी एक विकेट घेतली.
त्यानंतर भारतीय संघाने बॅटींग केली. सुरुवातील कर्णधार रोहित शर्मा आणि उपकर्णधार शुबमन गिल या दोघांनी १०५ धावांची सलामी भागीदारी केली. पण, नंतर १७ धावांच्या मोबदल्यात झटपट ३ विकेट्स गमावल्या. शुबमन ३१, विराट कोहली १ आणि रोहित शर्मा ७६ धावा करुन ते माघारी परतले. सामना रंगात आलेला असतांना भारतीय संघाला हा मोठा झटका बसला. त्यानंतर अक्षर पटेल आणि श्रेयस अय्यर या दोघांनी चौथ्या विकेटसाठी निर्णायक ६१ धावांची भागीदारी केली. त्यानंतर श्रेयस अय्यर ४८ धावांवर बाद झाला. त्यांनतर अक्षर आणि केएल राहुल या दोघांनी पाचव्या विकेटसाठी २० धावा केल्या. तर अक्षर पटेल २९ धावा करुन माघारी परतला. केएल राहुल आणि हार्दिक पंड्या या दोघांनी सहाव्या विकेटसाठी ३८ धावांची महत्त्वपूर्ण भागीदारी केली. मात्र विजयासाठी अवघ्या काही धावा हव्या असताना हार्दिक १८ धावा करुन आऊट झाला. त्यानंतर रवींद्र जडेजा मैदानात आला. जडेजाने काही धावा केल्या. त्यानंतर भारताला विजयासाठी २ हव्या होत्या. तेव्हा रवींद्र जडेजाने ४९ व्या ओव्हरमधील शेवटच्या बॉलवर चौकार ठोकला आणि भारतीय संघाने विजय मिळवला. केएल राहुल याने ३३ बॉलमध्ये नॉट आऊट ३४ रन्स केले.
भारतीय संघाने असे केले सेलिब्रेशन
विजय मिळवल्यानंतर रोहित शर्मा व विराट कोहली यांनी एक खास डान्स केला. दोघांनी विकेट हातात घेऊन दांडिया डान्स केला. त्यांचा हा व्हिडिओ सोशल मीडियावर चांगलाच व्हायरल झाला. जेव्हा भारतीय संघाने ट्रॅाफी उचलली. तेव्हा भन्नाट सेलिब्रेशन पाहायला मिळाले. विराट कोहलीने जवळपास सगळी शॅम्पेशन ऋषभ पंतच्या अंगावर उडवली.
भारतीय संघ : रोहित शर्मा (कर्णधार), शुबमन गिल (उपकर्णदार) विराट कोहली, श्रेयस अय्यर, केएल राहुल (विकेटकीपर), हार्दिक पंड्या,अक्षर पटेल रवींद्र जडेजा, मोहम्मद शमी, कुलदीप यादव आणि वरुण चक्रवर्ती.
न्यूझीलंड टीम : मिचेल सँटनर (कर्णधार), विल यंग, डेव्हॉन कॉनवे, केन विल्यमसन, रचिन रवींद्र, टॉम लॅथम (विकेटकीपर), ग्लेन फिलिप्स, मायकेल ब्रेसवेल, मॅट हेन्री, काइल जेमिसन, विल्यम ओरुर्के, डॅरिल मिशेल, नॅथन स्मिथ, मार्क चॅपमन आणि जेकब डफी.
