नवी दिल्ली – थोर शास्त्रज्ञ तथा संशोधक थॉमस अल्वा एडिसन यांनी इलेक्ट्रिक बल्बचा शोध लावला. परंतु एडिसनच्या फार पूर्वीपासून वैज्ञानिक आणि संशोधक पारंपारिक दिवे वापरण्या ऐवजी इलेक्ट्रिक दिवे यावर संशोधन करत होते. त्यामुळे सर्व कामांवर आधारित, एडिसनने लाइट बल्बचे सुधारित रूप विकसित केले आणि त्याला पेटंट मिळाले.
आजच्या काळात बाजारात अनेक प्रकारचे बल्ब उपलब्ध आहेत. अनेक कंपन्या आपल्या बल्बची एक किंवा दोन वर्षाची गॅरेंटीची हमी देतात. तथापि, एक फारच दुर्मिळ असा बल्ब आहे, जो एक किंवा दोन वर्ष नव्हे तर १२० वर्षांपासून सतत जळत आहे. तरीही बल्ब आजपर्यंत बंद झाला नाही. एवढेच नव्हे तर काहींनी आता या बल्बला चमत्कार समजण्यास सुरुवात केली आहे.
कॅलिफोर्नियामधील लिव्हरमोर शहराच्या फायर स्टेशनमध्ये लावलेला हा आश्चर्यकारक बल्ब शताब्दी म्हणून ओळखला जातो. विशेष म्हणजे हा बल्ब शेल्बी इलेक्ट्रॉनिक कंपनीने बनविला होता आणि प्रथम १९०१ मध्ये प्रज्वलित केला गेला. तेव्हापासून आजपर्यंत हा बल्ब पेटलेला आहे. या बल्बचे नावही गिनीज बुक ऑफ वर्ल्ड रेकॉर्डमध्ये नोंदले गेले आहे. सीसीटीव्ही कॅमेर्‍याद्वारे या बल्बचे परीक्षण केले जाते.
चार वॅट विजेसह जळणारा हा शताब्दी बल्ब २४ तास जळत राहतो. इ.स. २००१ मध्ये या बल्बचा १०० वा वाढदिवस मोठ्या उत्साहात साजरा करण्यात आला, त्यावेळी एक संगीत पार्टी देखील आयोजित केली गेली होती. हा अनोखा बल्ब पाहण्यासाठी लोक दूरदूरून येतात.
कधीकधी फायर स्टेशनमध्ये इतकी गर्दी होते की, असे वाटते की तेथे एक संग्रहालय आहे. तथापि, सन २०१३ मध्ये, हा बल्ब आपोआप बंद झाला, तेव्हा तेथील लोकांना वाटले की, कदाचित बल्ब फ्युज झाला आहे, परंतु तपासणी केली, तेव्हा वायरमध्ये एक त्रुटी होती. यानंतर वायर बदलली आणि बल्ब पुन्हा पेटू लागला.
