इंडिया दर्पण ऑनलाईन डेस्क – आपल्या आवडत्या वाहनासाठी चॉईस नंबर घेणाऱ्यांची संख्या कमी नाही. वाहन मालक यासाठी लाखो रुपये खर्च करतात. यातून काही कोटी रुपयांचा महसूल शासनाला जमा होतो. नाशिक मध्ये अशा क्रमांकासाठी 5 ते 7 लाखांचा खर्च येतो. मात्र दुबईतील एका कार मालकाने चॉईस नंबरसाठी चक्क 70 कोटी रुपये मोजले आहेत. त्यामुळेच त्याची सध्या जगभरातच चर्चा होत आहे.
दुबईत ‘1 बिलियन मिल्स’ या मदत कार्यक्रमासाठी चॅरिटी लिलावाचे आयोजन करण्यात आले होते. मोबाइल आणि वाहनाचे चॉईस क्रमांक उपलब्ध करण्यात आले होते. लिलाव सुरू झाल्यानंतर वेगवेगळ्या क्रमांकावर लाखो रुपयांची (दिरहम) बोली लागली. मात्र, AA8 या सिंगल डीजीट क्रमांकासाठी सर्वाधिक 35 मिलियन दिरहमची (70 कोटी रुपये) बोली लावण्यात आली. गत वर्षी याच लिलावात AA9 या क्रमांकासाठी वाहन मालकाने तब्बल 79 कोटी रुपयांची बोली लावली होती. या वर्षीच्या लिलावात दुबई प्रशासनाला 3 अब्ज 35 कोटी रुपयांचा महसूल मिळाला. तब्बल ७० कोटी रुपयांची ही जगातील तिसऱ्या क्रमांकाची महागडी बोली ठरली आहे.
लिलावात आणखी विविध लक्झरी क्रमांकांचा लिलाव करण्यात आला. यामध्ये, दुहेरी अंकी कार नंबर प्लेट F55 डीएच 4 दशलक्ष (सुमारे 8.23 कोटी रुपये) मध्ये लिलाव करण्यात आली. त्याचवेळी, आणखी एक कार क्रमांक V66 Dh4 दशलक्ष (सुमारे 8 कोटी रुपये) मध्ये विकली गेली. त्याचवेळी, Y66 क्रमांकाचा लिलाव Dh3.8 दशलक्ष (अंदाजे 7.91 कोटी रुपये) मध्ये झाला.
दुबईत राहणारे भारतीय वंशाचे व्यावसायिक बलविंदर साहनी यांनी 2016 मध्ये 30 दशलक्ष दिरहम (सुमारे 68 कोटी रुपये) मध्ये ‘D5’ नंबर प्लेट खरेदी केली होती. हा नंबर घेण्यामागे त्याचे दोन खास हेतू होते. पहिली म्हणजे त्याला या अनोख्या पद्धतीने धर्मादाय करायचे होते. समाजसेवेसाठी त्यांना मोठी रक्कम खर्च करायची होती. दुसरे म्हणजे त्यांना वेगळी संख्या आवडते. त्यांचा लकी नंबर ९ होता. रोमन अंक D चे मूल्य 4 आहे. तर, 4 आणि 5 ची बेरीज 9 होती. म्हणूनच त्याने D5 नंबर विकत घेतला.
चंदीगड येथील सेक्टर 23 मध्ये राहणारे ब्रिज मोहन यांनी 71,000 किंमतीची होंडा अ‍ॅक्टिव्हा स्कूटर खरेदी केली. त्यांना या स्कूटरसाठी लक्झरी नंबर हवा होता. त्याने स्कूटरसाठी CH01-CJ-0001 हा क्रमांक फायनल केला. या क्रमांकासाठी त्यांना १५.४४ लाख रुपये मोजावे लागले. म्हणजेच या लक्झरी नंबरनंतर स्कूटरची एकूण किंमत 16.15 लाख रुपये झाली. ब्रिज हा जाहिरात व्यावसायिक आहे. भविष्यात ही नंबर प्लेट आपल्या कारसाठी वापरली जाईल, असे तो सांगतो.
