इंडिया दर्पण ऑनलाईन डेस्क
देशातील लोकप्रिय कोल्ड ड्रिंक कैंपा कोला ने जाहीर केलं आहे की दक्षिण भारतातील सुपरस्टार रामचरण आता या ब्रँडचा नवा अ‍ॅम्बॅसिडर असेल. आधीपासूनच तरुणाईमध्ये लोकप्रिय असलेल्या कैंपाची आता एक नवा प्रचार मोहिम आहे – ‘कैंपा वाली जिद’. ही कथा आहे त्या हट्टाची, जी कुणालाही सामान्यातून असामान्य बनवू शकते. ही कथा आहे आपल्या तरुणांची — जे दररोज नव्या आव्हानांना सामोरे जातात, कधी पडतात, पुन्हा उठतात, आणि जिदीने पुन्हा पुढे चालत राहतात. कैंपाची ही नवीन मोहीम त्यांच्या याच जिदेला सलाम करते.
फक्त एका वर्षात रिलायन्सने या जुन्या भारतीय ब्रँडला केवळ नवजीवनच दिलं नाही, तर ही कोल्ड ड्रिंक यशाच्या शिड्या वेगाने चढताना दिसत आहे.
मॅकॅन वर्ल्डग्रुप इंडियाचे चेअरमन आणि सीईओ प्रसून जोशी म्हणाले, “‘कैंपा वाली जिद’ या मोहिमेद्वारे आम्ही अशी कहाणी मांडू इच्छित होतो जी आपल्या तरुणांच्या मनाला भिडेल. रामचरण हेच त्या तरुणांचं प्रतिबिंब आहेत — एक अशी शक्ती जी थांबवणं अशक्य आहे.
या प्रचार मोहिमेचं मुख्य आकर्षण आहे एक ब्रँड फिल्म, ज्यामध्ये रामचरण कोणत्याही काल्पनिक पात्रात नाहीत, तर ते स्वतःच्या खऱ्या आयुष्यातील अनुभवातून समोर येतात. कॅमेऱ्यासमोर ते ना कुठला डायलॉग बोलतात, ना कोणत्या काल्पनिक प्रसंगात दिसतात — ते दाखवतात तेच, जे त्यांनी आयुष्यात अनुभवलं आहे: मेहनत, संघर्ष आणि विजयाची खरी कहाणी.
या चित्रफितीत त्यांच्या खऱ्या स्टंट्स, दमदार अ‍ॅक्शन आणि आत्मविश्वासाने भरलेले चेहरे हे सांगतात की यश सहज मिळत नाही, पण जिद असेल तर काहीही अशक्य नाही.
