नवी दिल्ली – भारत संचार निगम लिमिटेड (बीएसएनएल) ने १९९ रुपयांच्या पोस्टपेड योजनेत सुधारणा केली असून या योजनेत वापरकर्त्यांना अमर्यादित ऑफ-नेट आणि ऑन-नेट व्हॉईस कॉलिंग सुविधा दिली जाणार आहे. यापूर्वी १९९ रुपयांची पोस्टपेड योजना ३०० मिनिटांच्या नेट कॉलिंगची ऑफर होती. आता १९९ रुपयांच्या पोस्टपेड योजनेत २५ जीबीचा मासिक डेटा देण्यात आला आहे. तसेच, ७५ जीबी डेटा रोलओव्हर उपलब्ध आहे.
१९९ रुपयांची सुधारित बीएसएनएल योजना १ फेब्रुवारी पासून अंमलात आली असून ही सुधारित योजना भारतभर उपलब्ध होईल. बीएसएनएलच्या १९९ रुपयांच्या पोस्टपेड योजनेत २५ जीबी मासिक डेटा, अमर्यादित व्हॉईस कॉलिंग ऑफर करण्यासाठी डिसेंबरमध्ये सुधारित करण्यात आले होते. यामध्ये राष्ट्रीय रोमिंग सुविधांचा समावेश होता.
बीएसएनएलने मागील वर्षी डिसेंबरमध्ये १९९९ रुपयांच्या प्री-पेड योजनेत सुधारणा केली होती. या योजनेत पूर्वी वापरकर्त्यांना दररोज ३ जीबी डेटा मिळायचा, पण आता तो कमी करण्यात आला आहे २ जीबी. याचा अर्थ असा की आता वापरकर्ते ३ जीबीऐवजी डेली २ जीबी डेटाचा फायदा घेण्यास सक्षम असतील. याशिवाय १४९९ रुपयांच्या वार्षिक प्री-पेड योजनेत २४ जीबी अधिक डेटा देण्यात येत आहे.
