इंडिया दर्पण ऑनलाईन डेस्क – नॅशनल स्टॉक एक्सचेंज (NSE) चा मुद्दा सध्या सातत्याने चर्चेत आहे. सेबी या प्रकरणाचा तपास करत असून दररोज धक्कादायक खुलासे होत आहेत. NSE घोटाळ्यातील सर्वात मोठे रहस्य म्हणजे हिमालयातील बाबा ‘योगी’. अद्याप या चेहरा नसलेल्या योगीबद्दल काही विशिष्ट माहिती समोर आलेली नाही, तथापि, सेबी या प्रकरणाच्या पूर्णपणे तळाशी जाण्याचा प्रयत्न करत आहे. दुसरीकडे, EY, या प्रकरणाचा फॉरेन्सिक अहवाल देणारा सल्लागार आनंद सुब्रमण्यम आणि रहस्यमय योगी यांच्या मते एकच व्यक्ती आहे. तर, इतर काही अहवालांवर विश्वास ठेवला तर, गुप्त योगी ही तिसरी व्यक्ती असल्याचे दिसून येते.
सेबी आणि एनएसईच्या माजी व्यवस्थापकीय संचालक चित्रा रामकृष्ण यांच्याकडून जी जी माहिती समोर आली आहे, त्यानुसार आनंद सुब्रमण्यन यांची नियुक्ती हेच संशयाचे सर्वात मोठे कारण असल्याचे दिसते. आनंद सुब्रमण्यम, १५ लाख रुपयांचे पॅकेज असलेले मिड-लेव्हल मॅनेजर यांना चित्रा रामकृष्णाने अनुभवाशिवाय १.३८ कोटी रुपयांच्या पॅकेजवर नियुक्त केले होते आणि दरवर्षी त्यांना पदोन्नतीही दिली होती. सुब्रमण्यम यांना आठवड्यातून फक्त तीन दिवस कार्यालयात येण्यास सांगण्यात आले होते.
१ एप्रिल २०१३ रोजी आनंद सुब्रमण्यम यांना मुख्य रणनीतिक अधिकारी बनवण्यात आले. यानंतर, १ एप्रिल २०१५ रोजी, त्यांना ग्रुप ऑपरेटिंग ऑफिसर आणि एमडी आणि सीईओचे सल्लागार म्हणून पदोन्नती देण्यात आली. २१ ऑक्टोबर २०१६पर्यंत आनंद सुब्रमण्यम या पदावर होते. NSE जॉईन करण्यापूर्वी आनंद बाल्मर आणि लॉरीमध्ये वार्षिक १५ लाख रुपयांच्या वार्षिक पॅकेजवर ते काम करत होते.
भांडवली बाजार नियामक सेबीच्या १९० पानी अहवालात बाबा योगी आणि नॅशनल स्टॉक एक्सचेंजच्या माजी व्यवस्थापकीय संचालक चित्रा रामकृष्ण यांच्यात अनेक महत्त्वाच्या गोष्टी समोर आल्या आहेत. या अहवालात रहस्यमय योगी यांचा ईमेल आयडीही सापडला आहे. जे [email protected] आहे. चौकशीदरम्यान चित्रा रामकृष्ण यांनी सेबीला योगी परमहंस असल्याचे सांगितले आहे. हिमालयाच्या रांगेत ते कुठेतरी राहतात. कुठेही दिसतात, असंही त्यांनी म्हणलं आहे.
