मुंबई – कुठल्याही मुलीसाठी तिचा लग्नाचा दिवस खास असतो. मेकअप, भरजरी वस्त्र, दागदागिने यामुळे नववधू अधिक खुलून दिसते. अनेक तरुणी त्यांच्या स्वप्नानुसारच लग्नासाठी नटतात. मात्र, बदलत्या काळानुसार तरुणींना आता लग्नाबरोबरच करिअरही महत्त्वाचे वाटते आहे. याचसंदर्भातील एक व्हिडिओ सध्या सोशल मिडियात प्रचंड व्हायरल झाला आहे. गुजरातमध्ये एका परीक्षा केंद्रावर नववधू अचानक प्रकट झाली. तिने लग्नाच्या दिवशीच पेपर दिल्याने ती परीक्षा केंद्रामध्ये आकर्षणाचा केंद्रबिंदू ठरली. लाल रंगाचा भरजरी वस्त्र, आकर्षक असा मेकअप, महागडे दागिने अशा अवतारात नववधू परीक्षेला बसल्याचे व्हिडिओत दिसत आहे. बघा हा व्हिडिओ
