इंडिया दर्पण ऑनलाईन डेस्क – बॉलिवूड अभिनेत्री अनन्या पांडे आता एक मोठा ब्रँड बनली आहे. अनन्याने ‘स्टुडंट ऑफ द इयर २’ मधून हिंदी चित्रपटसृष्टीत पदार्पण केले. ‘पति, पत्नी और वो’, ‘खली पीली’ यांसारख्या चित्रपटातून तिने प्रेक्षकांचे लक्ष वेधून घेतले, अनन्या पांडेने आता बॉलिवूडच्या आघाडीच्या अभिनेत्रींमध्ये आपले स्थान निर्माण केले आहे. अनन्या सोशल मीडियावर खूप सक्रिय असते. अनन्या तिच्या चित्रपटांसोबतच तिच्या वैयक्तिक आयुष्यासाठी देखील चर्चेत असते. अनन्याने करण जोहरच्या ‘कॉफी विथ करण ७’ शोमध्ये नुकतीच सहभागी झाली. तिथे तिने करणच्या मजेशीर प्रश्नांना उत्तरे दिली.
वास्तविक, अलीकडेच करण जोहरने त्याच्या इंस्टाग्राम अकाऊंटवर शोचा एक प्रोमो शेअर केला आहे ज्यामध्ये स्टार्स त्याच्या वेगवेगळ्या प्रकारच्या प्रश्नांची उत्तरे देताना दिसत आहेत. करण अनन्यालाही हे प्रश्न विचारतो. करणने अभिनेत्रीला विचारले की तू तुझ्या वडिलांबद्दल ऐकलेली सर्वात मजेदार अफवा कोणती आहे? या प्रश्नाच्या उत्तरात अनन्या म्हणते की, मला या इंडस्ट्रीत आणण्यासाठी पापांनी पैसे दिले आहेत, तर सगळ्यांना माहित आहे की माझ्या वडिलांना पैसे देणे फारसे आवडत नाही.
दक्षिण अभिनेत्री समंथा रुथ प्रभू देखील लवकरच ‘कॉफी विथ करण सीझन ७’ मध्ये सहभागी झाली. सामंथाने तिच्या वैवाहिक जीवनाबद्दल सांगितले. ती म्हणते की, दु:खी वैवाहिक जीवनाचे कारण तूच आहेस. तुम्ही लग्नाला कधी सुख म्हणून पाहतात पण खऱ्या आयुष्यात लग्न हे ‘KGF’ सारखे असते. दरम्यान, कॉफी विथ करणचा ७ वा सीझन ७ जुलैपासून सुरू झाला आहे. यंदा हा शो OTT प्लॅटफॉर्मवर आला आहे. यापूर्वीचे ६ सीझन सुपरहिट ठरले आहेत.
Bollywood Actor Chunky Pandey Daughter Ananya Pandey Clarification
