नांदगाव (इंडिया दर्पण वृत्तसेवा) – मनमाड-नांदगाव रस्त्यावर बोलेरो कार-दुचाकी यांचा अपघात होऊन पाच जण जखमी झाल्याची घटना दुपारच्या सुमारास घडली. नाशिक येथून नांदगाव येथे कार्यक्रमासाठी बोलेरो गाडीने एका कुटूंबातील काही जण जात असतांना अचानक गाडीच्या मागील बाजूचे टायर फुटल्याने गाडी रस्त्याच्या डिव्हायडर वर जाऊन आदळली. त्याचवेळी मागे येत असलेला दुचाकी स्वार गाडीच्या चाकाखाली आल्याने त्यात तो गंभीर जखमी झाला. तातडीने सर्वांना मनमाडच्या उपजिल्हा रुग्णालयात उचारासाठी दाखल करण्यात आले. दुचाकी स्वाराची प्रकृती गंभीर असल्यामुळे त्याला मालेगाव येथे उपचारासाठी पाठविण्यात आले.
बोलेरो कार -दुचाकीचा अपघात; पाच जण जखमी
