मुंबई – खासगी शाळांना ५० टक्के शुल्क कमी करण्याबाबत राज्य सरकारने तातडीने आदेश द्यावेत, अशी मागणी भारतीय जनता पार्टीचे प्रदेश उपाध्यक्ष माधव भांडारी यांनी प्रसिद्धी पत्रकाद्वारे केली आहे.
भांडारी यांनी पत्रकात म्हटले आहे की, पालकांचा कळवळा आला म्हणून नाही तर सर्वोच्च न्यायालयाच्या आदेशानुसार राज्य सरकार खासगी शाळांना शुल्क कमी करण्यास तेही १५ टक्के सांगण्याचा विचार करत असल्याचे सांगण्यात येत आहे.आघाडी सरकारने आता विचार करणे थांबवून खासगी शाळांना १५ टक्के नव्हे तर ५० टक्के शुल्क कमी करण्याचे आदेश देणे गरजेचे आहे.
पालकांनी शुल्कवाढीविरोधात केलेल्या आंदोलनाला भारतीय जनता पार्टीने नेहमीच पाठिंबा दिला आहे.या पुढेही आम्ही पालकांच्या मागे खंबीरपणे उभे राहू, असे भांडारी यांनी पत्रकात नमूद केले आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
