विशेष प्रतिनिधी, नवी दिल्ली
देशभरात कोरोना प्रतिबंधक लसीकरण सुरू आहे. अनेक राज्यांमध्ये लसीचा तुटवडा असताना आता थेट खासदारच लसीकरणात कमिशन घेत असल्याची बाब समोर आली आहे. एका ऑडिओ टेपद्वारे भाजप खासदार तेजस्वी सूर्या यांच्याकडे अंगुलीनिर्देश केला जात आहे. त्यामुळे ही बाब देशभरात चर्चेची ठरत आहे.
लसीचा तुटवडा असल्याने राजकीय गोटात जोरदार आरोप-प्रत्यारोपाच्या फैरी झडत आहेत. कर्नाटकमध्ये देखील असाच प्रकार सुरू आहे. भाजपचे खासदार तेजस्वी सूर्या यांच्याकडून लसीकरणासाठी कमिशन घेतल्या जात असल्याचा आरोप काँग्रेसने केला आहे.
