नाशिक – बिटको हॉस्पिटल येथे बसविण्यात आलेले सिटीस्कॅन मशिन नागरिकांसाठी आयुक्त कैलास जाधव यांनी कार्यान्वित केले तसेच येथील कामकाजाचा आढावाही त्यांनी घेतला. नाशिक शहर व परिसरातील कोरोनाची परिस्थिती लक्षात घेऊन विविध पातळीवर कामकाज करत असताना रूग्णांना जास्तीत जास्त सेवा सुविधा देण्यावर महापालिका प्रशासनाच्या वतीने भर दिला जात आहे. या अनुषंगाने बिटको रूग्णालयात सिटीस्कॅन मशिन बसवण्यात आलेले असून त्याठिकाणी रेडिओलॉजिस्ट नेमणूक करण्यात आली असून सिटीस्कॅन मशिन नागरिकांसाठीआयुक्त कैलास जाधव यांनी कार्यान्वित केले. या सिटीस्कॅन मशिन द्वारे एचआसीटी टेस्ट प्रती चाचणीचे दर मनपाने निश्चित केले आहे. मनपा अंतर्गत दवाखाने,रुग्णालये, प्रसूतिगृहे येथील रुग्णांकरिता एक हजार रुपये व इतर खाजगी दवाखाने,रुग्णालये, प्रसूतिगृहे येथील रुग्णांना रुग्णांकरिता पंधराशे रुपये इतका दर निश्चित करण्यात आला आहे.
तसेच शहरातील रुग्णालयात नातेवाईकांकडून दवाखान्यांमध्ये होणारी गर्दी टाळण्यासाठी विविध सूचना करण्यात आल्या होत्या. त्या सूचनांच्या अंमलबजावणीच्या पार्श्‍वभूमीवर आयुक्त कैलास जाधव यांनी यावेळी पाहणी केली. तसेच तेथील रुग्णांना औषध उपचार, नाष्टा,जेवण, चहापान आदींची व्यवस्था योग्य रीतीने होत आहे की नाही याबाबत सविस्तर आढावा घेतला. यावेळी सुरक्षेबाबत कठोर अंमलबजावणी करण्याच्या सूचना संबंधित विभागास व उपस्थित अधिकाऱ्यांना यावेळी आयुक्तांना दिल्या. यावेळी विभागीय अधिकारी डॉ.दिलीप मेनकर, कोरोना कक्ष अधिकारी डॉ.आवेश पलोड, बिटको रुग्णालयाचे प्रमुख डॉ.जितेंद्र धनेश्वर आदी उपस्थित होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
