इंडिया दर्पण ऑनलाईन डेस्क – उद्या, गुरुवार (१ सप्टेंबर) आहे. त्यामुळे उद्यापासून काही बदल होणार आहेत. याचा परिणाम तुमच्या आयुष्यावर आणि खिशावर होईल. पंजाब नॅशनल बँकेने KYC अनिवार्य केले आहे. त्याचबरोबर विम्याच्या हप्त्यात दिलासा मिळणार असला तरी खिशावर टोलचा बोजा वाढणार आहे. हे बदल नेमके काय आहेत हे आपण आता जाणून घेऊया…
१. पंजाब नॅशनल बँकेत आता हे अनिवार्य
पंजाब नॅशनल बँकेने आपल्या ग्राहकांना ३१ ऑगस्टपर्यंत केवायसी करून घेण्यास सांगितले आहे. असे करण्यात अयशस्वी झाल्यास १ सप्टेंबरपासून खातेधारकांना अडचणी येऊ शकतात. या संदर्भात पीएनबी महिन्याभरापासून ग्राहकांना संदेश पाठवून सावध करत आहे.
२. विमा प्रीमियम कमी केला जाईल
विमा नियामकाने विमा नियम बदलले आहेत. याअंतर्गत एजंटला आता ३० ते ३५ टक्क्यांऐवजी केवळ २० टक्के कमिशन मिळणार आहे. त्यामुळे ग्राहकांचा प्रीमियम कमी होऊन त्यांना दिलासा मिळणार आहे. नवीन अधिसूचना लवकरच लागू केली जाईल.
३. घरगुती गॅस सिलेंडरची किंमत
दर महिन्याच्या १ तारखेला सिलिंडरच्या किमती बदलतात. असे मानले जात आहे की 1 सप्टेंबर रोजी पेट्रोलियम कंपन्या एलपीजी सिलिंडरच्या किमतीत बदल करू शकतात आणि त्यामुळे किमती कमी होण्याची शक्यता आहे.
४. टोलचा बोजा
दिल्लीत ये-जा करण्यासाठी यमुना एक्सप्रेस वेचा वापर केल्यास खिशावरचा भार वाढणार आहे. यमुना एक्सप्रेस वे इंडस्ट्रियल डेव्हलपमेंट अथॉरिटीने टोलचे दर वाढवले आहेत, जे १ सप्टेंबरपासून लागू होतील. छोट्या वाहनांना प्रति किलोमीटर १० पैसे जास्त मोजावे लागणार आहेत. त्याचबरोबर मोठ्या व्यावसायिक वाहनांना प्रति किलोमीटर ५२ पैसे अधिक टोल भरावा लागणार आहे.
Big Changes From 1 September 2022
LPG PNB Economics Business Money Toll Insurance
