नाशिक – भोसला मिलिटरी कॉलेजला सैन्य दलाकडून मिळालेल्या रण गाड्यावर साडेसातशे दीप प्रज्वलित करून विद्यार्थ्यांनी शहीद जवानांचे प्रती कृतज्ञता व्यक्त करत दिवाळी साजरी केली. पन्नास वर्षांपूर्वी १९७१ मध्ये झालेल्या युद्धात प्राप्त विजयाचे स्मरण केले, आणि देशाच्या स्वातंत्र्याच्या ७५ व्या वर्षाचे औचित्य साधत देशाप्रती निष्ठावान राहण्याचा संकल्प केला.
एनडीए प्रिपरेशन बॅचचे विद्यार्थ्यांना परीक्षा जवळ आली असल्यामुळे होस्टेल मधून दिवाळीची सुट्टी देण्यात आलेली नाही. या विद्यार्थ्यांना घरी असल्यासारखे वातावरण तयार व्हावे, होम अवे फ्रॉम होम ही भावना तयार व्हावी आणि अभ्यासावर त्यांचे लक्ष केंद्रित व्हावे या हेतूने दिवाळीचे तीन चार दिवस दररोज एका स्टाफ मेंबरने सहकुटुंब विद्यार्थ्यां समवेत वेळ घालवावा आणि रात्रीचे जेवण करावे अशी योजना राबविण्यात येत आहे. आज सायंकाळी या विद्यार्थ्यांनी हा अनोखा उपक्रम केला. यावेळी महाविद्यालयाचे प्राचार्य याप्रसंगी सहकुटुंब उपस्थित होते.