लॉन्चिंगपूर्वीच तब्बल १० लाख ट्रकची बुकींग; असं काय आहे त्या ट्रकमध्ये?

नवी दिल्ली – एखाद्या वाहनाचे लॉन्चिंगपूर्वीच तब्बल १० लाख ग्राहकांनी बुकींग करावे, असे कुणी सांगितले तर तुमचा विश्वास बसेल. पण, हे सत्य आहे. अमेरिकेची टेस्ला कंपनीच्या नशिबी हे यश आले आहे. या कंपनीचा सायबरट्रक सध्या जगभराकच विशेष चर्चेचा ठरत आहे. आणि त्यालाच अशी ही जोरदार मागणी आहे.

जगभरात इलेक्ट्रिक वाहनांची मागणी वेगाने वाढत आहे. अशा वाहनांचा पुरवठा करण्यामध्ये अमेरिकेची कंपनी टेस्ला (Tesla) सर्वात पुढे आहे. टेस्ला कंपनीने जागतिक बाजारात आपल्या पहिल्या इलेक्ट्रिक सायबरट्रकला (Cybertruck) नुकतेच लाँच केले आहे. या इलेक्ट्रिक पिक-अप ट्रकला या वर्षाच्या अखेरपर्यंत अमेरिकेच्या बाजारात लाँच केले जाणार आहे. परंतु लाँच होण्याआधीच १० लाख ट्रकची नोंदणी करण्यात आल्याचे वृत्त आहे. आता या वाहनाच्या ड्रायव्हिंग रेंजवरून एक आश्चर्यचकित करणारा नवा खुलासा झाला आहे.

या वर्षीच्या सर्वात बहुप्रतिक्षीत वाहनांपैकी Tesla Cybertruck चे नाव घेतले जात आहे. या वाहनांची डिलिव्हरी पुढील वर्षी सुरू होण्याची शक्यता आहे. पिक-अप ट्रकच्या संबंधित गहाळ झालेले कागदपत्रे नुकतेच उघड झाले आहेत. हे पेटंट अॅप्लिकेशन असून, त्यानुसार वाहन सिंगल चार्जमध्ये जवळपास ६१० मिल म्हणजेच ९८२ किलोमीटरपर्यंत धावू शकते.

टेस्ला सायबरट्रकला लाँच केल्यानंतर हा ट्रक फुल चार्ज केल्यास ५०० मिल म्हणजेच ८०४ किलोमीटरपर्यंत धावू शकतो. अमेरिकेची कार निर्माता कंपनीने सायबरट्रकसाठी नव्या सॉफ्टवेअर कॉन्टॅक्ट सेंसिटिव्ह यूजर इंटरफेस फॉर एन्हांन्स्ड व्हिकल ऑपरेशनचे पेटंट केले आहे, असे कागदपत्रात नमूद आहे.

सायबर ट्रकचा फोटोही इंटरनेटवर व्हायरल झाला आहे. त्यामध्ये पिकअप ट्रकचे वजन २० हजार पाउंड (९ हजार किलोहून अधिक) च्या ट्रेलससोबत टोइंग मोडमध्ये दाखविण्यात आले आहे. कंपनीकडून जाहीर केलेल्या आकड्यापेक्षा (दहा हजार पाउंड) खूपच जास्त आहे. या नव्या ड्रायव्हिंग रेंजबाबत कंपनीकडून कोणतीही अधिकृत घोषणा करण्यात आलेली नाही. ही माहिती गहाळ झालेल्या कागदपत्रांच्या आधारावर आहे. त्यामुळे त्यामध्ये बदल संभवतात.