बीड (इंडिया दर्पण वृत्तसेवा) – राज्यात गेल्या काही दिवसांमध्ये महिलांवरील अत्याचाराचे घटना वाढल्या आहेत. अल्पवयीन मुलीवर देखील अत्याचार होत असल्याने समाज कोणत्या स्तराला चालला आहे, असे वाटण्या इतपत वाईट परिस्थिती सध्या निर्माण झालेली आहे. खरे म्हणजे काही हैवान व्यक्तीच्या लोकांमुळे सर्व समाजच नव्हे तर गाव, तालुका, जिल्हा देखील बदनाम होत आहे. बीड जिल्ह्यात एका ५ वर्षाच्या बालिकेवर ५२ वर्षीय नराधमाने लैंगिक अत्याचार केल्याने संपूर्ण बीड जिल्ह्यात मोठी खळबळ उडाली आहे, इतकेच नव्हे तर संपूर्ण केज तालुक्यात या घटनेविरुद्ध संतापाची लाट उमटत आहे.
घरात बोलवून…
या भयानक घटनेबद्दल पोलिसांनी दिलेली माहिती अशी की, केज तालुक्याच्या हद्दीतील एका गावामध्ये मजुरी करून जगणाऱ्या कुटुंबातील चिमुकलीवर अत्याचार करण्यात आला आहे. पीडित चिमुकली शेजारी राहणाऱ्या नराधम आरोपी अरुण याच्या नातवंडासोबत खेळत होती. खेळत असताना अरुणने या चिमुकलीस घरात बोलावून घेतले. तिच्यावर लैंगिक अत्याचार केले. शारीरिक अत्याचार झाल्यामुळे ती मुलगी रडत होती. घरी आल्यावर सुद्धा तिचे रडणे थांबले नाही. तेव्हा आईने अधिक चौकशी केली. चिमुकलीने सर्व काही सांगताच आईला मोठा धक्का बसला. याप्रकरणी पीडित चिमुकलीच्या आईने पोलिसांकडे फिर्याद दिली आहे. नराधमा आरोपीविरोधात गुन्हा दाखल करण्यात आला आहे.
उपचार सुरू
महिलांवरील अन्याय अत्याचाराच्या घटना वाढत असताना बीड जिल्हयातील क्रूरतेचा कळस गाठणारी ही घटना समोर आली आहे. आता पीडित चिमुकलीवर बीडच्या जिल्हा रुग्णालयात उपचार सुरू असून या घटनेने केज तालुक्यात संतापाची लाट उसळली आहे. कारण लहान मुलांवरील लैंगिक अत्याचाराचे प्रमाण देखील वाढत आहे. ५ वर्षांच्या चिमुकल्या मुलीवर देखील अत्याचाराच्या घटना घडत आहेत. शाळेत जाणाऱ्या मुला-मुलींना चांगला स्पर्श वाईट स्पर्श याबद्दल माहिती देण्यात येते, परंतु शाळेत जाण्याची समज येण्या पूर्वीच मुलांवर जर असे अत्याचार घडत होत असतील, तर आता काय करावे ? असा प्रश्न देखील पालकांना पडू शकतो.
A 5-year-old girl was sexually assaulted Beed Crime Minor Girl Rape Police Booked Abuse Posco
