इंडिया दर्पण ऑनलाईन डेस्क – टी-20 विश्वचषकात भारतीय संघाच्या खराब कामगिरीनंतर भारतीय क्रिकेट नियामक बोर्डाने (बीसीसीआय) संपूर्ण निवड समितीला बरखास्त करण्याचा निर्णय घेतला. टीम इंडियाला उपांत्य फेरीत इंग्लंडकडून पराभव पत्करावा लागला. त्यानंतर अनेक खेळाडूंच्या निवडीबाबत प्रश्न उपस्थित करण्यात आले आहेत.
बीसीसीआयने चेतन शर्माच्या नेतृत्वाखालील निवड समिती बरखास्त केली आहे. त्यांनी राष्ट्रीय निवडकर्ता पदासाठी अर्ज मागवले आहेत. बीसीसीआयने आपल्या अधिकृत वेबसाइटवर निवडकर्त्यांची पाच पदे रिक्त असल्याची माहिती दिली. टी-20 विश्वचषकात संघाच्या खराब कामगिरीनंतर बोर्डाने निवड समिती बरखास्त करण्याचा निर्णय घेतला. टीम इंडियाला उपांत्य फेरीत इंग्लंडकडून पराभव पत्करावा लागला. त्यानंतर अनेक खेळाडूंच्या निवडीबाबत प्रश्न उपस्थित करण्यात आले.
अर्ज करण्याचे नियम काय आहेत?
निवडकर्ता पदासाठी अर्ज करण्यासाठी, किमान सात कसोटी सामने किंवा ३० प्रथम श्रेणी किंवा १० एकदिवसीय सामन्यांसह २० प्रथम श्रेणी सामन्यांचा अनुभव आवश्यक आहे. अर्जदार किमान पाच वर्षांपूर्वी निवृत्त झालेला असावा. कोणतीही व्यक्ती जी कोणत्याही क्रिकेट समितीची (बीसीसीआयच्या नियम आणि नियमांमध्ये व्याख्या केल्यानुसार) एकूण पाच वर्षांसाठी सदस्य आहे, ती निवड समितीचा सदस्य होण्यास पात्र असणार नाही. अर्ज करण्याची अंतिम तारीख २८ नोव्हेंबर आहे. त्या दिवशी सायंकाळी ६ वाजेपर्यंत अर्ज सादर करावे लागतील.
२०२१ नंतर
चेतन शर्मा यांच्या नेतृत्वाखालील निवड समितीमध्ये सध्या एकूण चार सदस्य आहेत. त्यात चेतन शर्मा उत्तर विभाग, हरविंदर सिंग (मध्य विभाग), सुनील जोशी (दक्षिण विभाग) आणि देबाशिष मोहंती (पूर्व विभाग) यांचा समावेश होता. काहींची २०२० मध्ये तर काहींची २०२१ मध्ये निवड झाली. चेतन शर्माच्या नेतृत्वाखाली निवडलेला संघ २०२१ नंतर २०२२ मध्येही टी20 विश्वचषक चॅम्पियन बनू शकला नाही. राष्ट्रीय निवडकर्त्याला साधारणपणे चार वर्षांचा कार्यकाळ मिळतो. ती वाढवताही येते. निवड समितीतील अभय कुरुविलाचा कार्यकाळ संपल्यानंतर पश्चिम विभागातून निवडकर्ता नव्हता.
https://twitter.com/PTI_News/status/1593629005546242048?s=20&t=dYhXJ-2h17W5EhIoP3YAZg
BCCI Cricket T20 World Cup Selection Committee
