तुम्ही चेकद्वारे पैसे देतात किंवा घेतात? मग, हे नक्की वाचा

मुंबई – भारतीय रिझर्व्ह बँकेने धनादेशाद्वारे पेमेंट करण्याच्या नियमांमध्ये काही बदल केले आहेत. सदर बदल हे दि. १ ऑगस्टपासून लागू झाले आहेत. चेकद्वारे पैशांचे व्यवहार केले किंवा इतर कोठेही चेकने पैसे देण्याचा पर्याय निवडला तर बँक ग्राहकांना यापुढे खबरदारी घेण्याची आवश्यकता आहे. अन्यथा दंड भरावा लागू शकतो.

नवीन बदलाअंतर्गत आरबीआयने चोवीस तास बल्क क्लिअरिंगची सुविधा सुरू करण्याचा निर्णय घेतला आहे. त्यानंतर नॅशनल ऑटोमेटेड क्लिअरिंग हाऊस अर्थात NACH या महिन्यापासून संपूर्ण दिवस काम करणार आहे. त्यामुळे पूर्ण कामकाजाच्या दिवसांसाठी NACH च्या नियमानुसार चेकद्वारे पेमेंट करण्यासाठी आता अधिक सावधगिरी बाळगण्याची आवश्यकता आहे, कारण त्यानंतर चेक क्लिअर करण्याची प्रक्रिया सुट्टी आणि काम नसलेल्या दिवसातही सुरू राहील. त्यामुळे चेकने पेमेंट करण्यापूर्वी, चेक कापून घेताना आपल्या बँक खात्यात पुरेसे पैसे आहेत याची खात्री करावी, अन्यथा आपला चेक बाउन्स होऊ शकतो आणि दंड भरावा लागू शकतो.

NACH ही भारतीय पेमेंट कॉर्पोरेशन ऑफ इंडिया (NPCI) द्वारे चालवली जाणारी बल्क पेमेंट सिस्टीम असून त्याद्वारे लाभांश, व्याज, पगार आणि पेन्शन देताना एक ते अनेक क्रेडिट ट्रान्सफरची सुविधा मिळते. या व्यतिरिक्त, वीज, गॅस, टेलिफोन, पाणी, कर्जासाठी नियतकालिक हप्ते, म्युच्युअल फंडांमध्ये गुंतवणूक आणि विमा प्रीमियमशी संबंधित पेमेंट देखील करता येते. यंदा जानेवारीमध्ये, आरबीआयने 50 हजार रूपयांपेक्षा जास्त देयकांसाठी तपशीलांची पुन्हा खात्री करण्यासाठी चेक-आधारित व्यवहारांच्या बाबतीत आपल्या ग्राहकांची सुरक्षा वाढवण्याच्या उद्देशाने एक सकारात्मक वेतन प्रणाली सुरू केली होती