इंडिया दर्पण ऑनलाईन डेस्क
नाशिक व ठाणे जिल्हा मधील शासकीय आश्रमशाळा येथे नवं नियुक्त कंत्राटी परिचारिका यांचा पायाभूत प्रशिक्षण आयोजित करण्यात आले आहे.
त्याचे उद्घाटन आदिवासी विभागाच्या आयुक्त लीना बनसोड, उपायुक्त शशिकला आहेरराव यांच्या हस्ते दीप प्रज्वलन करून कार्यशाळेचे उद्घाटन करण्यात आले. याप्रसंगी आरोग्य उपसंचालक डॉ कपिल आहेर, प्राचार्य डॉ दावल साळवे, साथरोग शास्त्रज्ञ डॉ गणेश शिंदे ,डॉ पंकज ठाकरे, वैद्यकीय अधिकारी गलगंड डॉ प्रतिभा पाटील, वैद्यकीय अधिकारी डी टी टि डॉ कैलास भोये इत्यादी मान्यवर उपस्थित होते.
याप्रसंगी आदिवासी आयुक्त लीना बनसोड यांनी आश्रम शाळेमध्ये मुलांच्या आरोग्याची काळजी घेण्यासाठी निवासी परिचारिका असावी यासाठी विशेष प्रयत्न केले आणि या नावीन्यपूर्ण उपक्रमास सुरुवात झाली. यापुढे उपस्थित प्रशिक्षणार्थींना चांगल्या आरोग्य सेवा देण्यासाठी हे प्रशिक्षण आयोजित करण्यात आले असून चांगल्या प्रकारे आश्रम शाळेतील कामकाज हे समजून घेऊन मुलांच्या आरोग्याचे रक्षण आपण करावे, त्यांच्या आरोग्याची काळजी घ्यावी असे आवाहन याप्रसंगी केले.
शासनामार्फत आदिवासी विभागामध्ये आदिवासी विद्यार्थ्यांच्या शैक्षणिक उन्नतीसाठी निवासी आश्रम शाळा चालविल्या जातात त्यामध्ये निवासी आश्रम शाळांमध्ये मुलांच्या आरोग्याची काळजी घेण्यासाठी कंत्राटी पद्धतीने नवनियुक्त परिचारिकांची नियुक्ती करण्यात आली आहे. महाराष्ट्रातील सर्व ठिकाणी या प्रकारे आरोग्य परिचारिका आरोग्य सेवा देणार आहे. त्यांना मार्गदर्शन करण्यासाठी त्यांचे पायाभूत प्रशिक्षणाचे आयोजन करण्यात आले असून दिनांक ९ जून ते २५ जून या दरम्यान एकूण नऊ बॅचेसचे प्रशिक्षण घेण्यात येणार आहे.
यामध्ये विविध आजाराच्या विषयांची तोंड ओळख ,उपचार, संदर्भ सेवा तसेच मुलांचे हक्क, कर्तव्य, किशोरवयीन अवस्था, पाणी शुद्धीकरण, साथरोग, स्वच्छता, अशा विविध अंगी विषयांवर त्यांना पायाभूत प्रशिक्षण देण्यात येणार आहे प्रत्येक बॅच ही तीन दिवस निवासी घेण्यात येणार आहे. यामध्ये विविध विषयांचे तज्ञ त्यांना मार्गदर्शन करणार असून आश्रम शाळेत राहणाऱ्या बालकांचे आरोग्य तसेच अनेक वेळेला वेगवेगळ्या कारणाने होणारे मृत्यू टाळण्यासाठी तसेच भविष्यातील पिढी चांगली घडविण्यासाठी हा एक नाविन्यपूर्ण उपक्रम पूर्ण महाराष्ट्रात राबवण्यात येत आहे. नाशिक व ठाणे जिल्ह्यातील आश्रम शाळेत नवनियुक्त होणाऱ्या परिचारिका यांचे प्रशिक्षण नाशिक येथे होत असून आरोग्य व कुटुंब कल्याण प्रशिक्षण केंद्र नाशिक या प्रशिक्षण केंद्रामध्ये प्रशिक्षण सुरू करण्यात आले एकूण ३४० प्रशिक्षणार्थी परिचारिका यामध्ये सहभागी होणार आहे. संपूर्ण प्रशिक्षणाचे नियोजन हे आरोग्य व कुटुंब कल्याण प्रशिक्षण केंद्र नाशिक व आदिवासी आयुक्तालय नाशिक यांचे मार्फत आयोजित करण्यात आले आहे .
