सिद्धी दाभाडे, इंडिया दर्पण वृत्तसेवा
Xiaomi ने Redmi आणि MI chya फोन वापरकर्त्यांसाठी एक खुशखबर आहे. Xiaomi ने अखेर भारतात Xiaomi आणि Redmi फोनसाठी MIUI 13 ऑपरेटिंग सिस्टमची घोषणा केली आहे. सोशल मीडिया हँडलवरील लाईव्ह स्ट्रीमद्वारे, कंपनीने नवीन MIUI हे आजपर्यंतचे सर्वोत्तम असल्याचा दावा केला आहे. या अपडेटबद्दल बोलायचे झाले तर, नव्याने लॉन्च झालेल्या फोनपासून ते काही जुन्या फोनपर्यंत हे अपडेट दिले जात आहे. हे अपडेट Redmi Note 10 Pro Max व्यतिरिक्त अलीकडेच लॉन्च झालेल्या Xiaomi 11T Pro मध्ये देखील देण्यात आले आहे. यासोबतच Xiaomi 11i हायपरचार्ज आणि Xiaomi 11i ला देखील हे अपडेट मिळाले आहे. स्मार्टफोन निर्माता Xioami ने 2022 च्या पहिल्या तिमाहीत आपल्या वापरकर्त्यांसाठी MIUI 13 सॉफ्टवेअर लाँच केले आहे. सुधारित कार्यप्रदर्शन, नवीन डिझाइन तसेच अनेक मल्टी-टास्किंग वैशिष्ट्यांसोबत हे सॉफ्टवेअर परिपूर्ण आहे. कंपनीने हे सॉफ्टवेअर Redmi आणि Mi च्या 10 स्मार्टफोन्समध्ये अपडेट केले आहे.
या १० स्मार्टफोन्सचा समावेश
1.Mi 11 Ultra 2.Mi 11X Pro
3.Xiaomi 11T Pro
4.Xiaomi 11 Lite NE 5G
5.Mi 11 Lite
6.Redmi Note 10 Pro Max
7.Redmi Note 10 Pro
8.Redmi Note 10
9.Redmi 10 Prime
10.Mi 11X
जर तुमच्याकडेही यापैकी कोणताही स्मार्टफोन असेल तर तुम्हाला लवकरच एक नवीन अपडेट देण्यात येईल. जे मार्च २०२२ पर्यंत येण्याची शक्यता आहे. याशिवाय जर तुमचा फोन या लिस्टमध्ये नसेल तर काळजी करण्याची गरज नाही, कारण तुम्हालाही कंपनीकडून लवकरच हे अपडेट मिळू शकते. याबाबतची माहितीही कंपनीकडून देण्यात आली आहे. MIUI 13 च्या नवीन अपडेट सोबत आता, लाईव्ह वॉलपेपर च समावेश असेल तसेच Xiaomi स्मार्टफोन्सना नवीन ऑप्टिमाइझ केलेली फाइल स्टोरेज सिस्टीम मिळेल जी तुमच्या Xiaomi स्मार्टफोन्समध्ये साठवलेल्या फायली वाचण्याचा आणि लिहिण्याचा वेग वाढवेल.एक नवीन स्मार्ट बॅलन्स वैशिष्ट्य आहे जे Xiaomi स्मार्टफोनवरील बॅटरीचे आयुष्य 10 टक्क्यांपर्यंत वाढवेल.यासोबतच थीममध्येही बदल केला जाणार आहे. MIUI 13 Xiaomi स्मार्टफोन्समध्ये नवीन विजेट्स आणेल, तसेच नवीन साइडबारसह सेटिंग्ज आणि टूल्समध्ये लवकर प्रवेश करता येण्याची सुविधा उपलब्ध असेल.या व्यतिरिक्त MIUI मध्ये एक मोठा बदल असणार आहे, तो म्हणजे आता तुम्हाला तुमच्या फोनमधून अवांछित सिस्टम अॅप्स देखील काढून टाकता येतील.
