इंडिया दर्पण ऑनलाईन डेस्क – आजच्या काळात सर्वात प्रिय वस्तू म्हणजे प्रत्येकाजवळ असलेला स्मार्टफोन किंवा आयफोन होय. एखाद्याचा फोन जर हरवला तर ती व्यक्ती अत्यंत अस्वस्थ होते, कदाचित तो फोन परत सापडल्यावर त्यामध्ये निश्चितच बिघाड झालेला असतो, विशेषतः वाहनातून जाताना जर फोन रस्त्यात पडला तर त्याचे नुकसान होते. मात्र एक नदीच्या पाण्यामध्ये दहा महिने फोन पडून होता. त्यानंतर तो बाहेर काढल्यावर काय होईल. तर तो बंद अवस्थेत सापडेल. आणि तो परत सुरू होणार नाही, असे आपल्याला वाटते. पण या प्रकाराची सध्या जगभर चर्चा होत आहे.
विशेषतः अॅपल आयफोन किंमतीत इतर स्मार्टफोन्सपेक्षा महाग असू शकतो, परंतु तो तितकाच विश्वासार्ह आणि टिकाऊ आहे. या कंपनीचा फोन 10 महिने नदीत पडून राहिल्यानंतरही आयफोन ठीक काम करत असल्याचे आढळले आहे. ही घटना इंग्लंडमधील ग्लुसेस्टरशायरमधील आहे, जिथे ओवेन डेव्हिस नावाच्या व्यक्तीचा फोन हरवण्याची घटना एका बॅचलर पार्टीदरम्यान घडली.
सुमारे 10 महिन्यांनंतर, मायकल पाचेको नावाचा एक व्यक्ती त्याच नदीत बोटिंग करत होता, तेव्हा त्याला हा आयफोन सापडला. जेव्हा हा फोन आला तेव्हा तो पूर्णपणे ओला होता आणि त्यावर बरेच शेवाळ होते. फोन काहीही असला तरी आता तो खराब झाला असेल, अशी मायकलची अपेक्षा होती. तरीही त्याने घरी जाऊन फोन चालू करताच तो नीट काम करत असल्याचे दिसून आले.
मायकलने या फोनचा फोटो सोशल मीडियावर शेअर केला आहे. त्याने बीबीसीला सांगितले. फोनमध्ये कोणाचे तरी अनेक महत्त्वाचे आणि संस्मरणीय फोटो असू शकतात, म्हणून त्यांनी ते पुन्हा चालू करण्याचा प्रयत्न केला. त्याने एअर कंप्रेसरच्या सहाय्याने डिव्हाइसमधून आयफोन वाळवला आणि रात्रभर सुकण्यासाठी एअरिंग कपाटात ठेवला. मायकेलने दुसऱ्या दिवशी सकाळी फोन चार्ज केला आणि तो रिस्टार्ट झाला. फोनमध्ये एका जोडप्याचा वॉलपेपर बसवला होता. मायकेलने लगेच फोनची छायाचित्रे फेसबुकवर शेअर केली, जी डेव्हिसने ओळखली. त्यानंतर त्याचा आयफोन परिपूर्ण स्थितीत मिळाला.
Apple iphone water 10 months after that
