नाशिक – नांदगाव तालुक्यातील टाकळी बुद्रुक येथील तलाठी विलास विठ्ठल बागुल यास सहा हजार रुपयांची लाच घेताना अटक करण्यात आली आहे. अँटी करप्शन ब्युरोने (एसीबी) लावलेल्या सापळ्यात बागुल हा रंगेहाथ पकडला गेला आहे. शेत जमिनीच्या खाते वाटपाची नोंद सातबारा उताऱ्यावर करण्यासाठी बागुल याने सहा हजार रुपयांच्या लाचेची मागणी केली होती. यासंदर्भात एसीबीकडे तक्रार करण्यात आली. त्यानंतर एसीबीच्या पथकाने सापळा रचला. नांदगाव तहसिल कार्यालयाजवळील सूरज हॉटेलमध्ये सहा हजार रुपयांची लाच घेताना बागुल हा रंगेहाथ पकडल्या गेला. याप्रकरणी एसीबीने बागुल विरुद्ध गुन्हा दाखल करुन त्यास अटक केली आहे. तसेच, याप्रकरणी एसीबीच्यावतीने पुढील तपास केला जात आहे. दरम्यान, लाच घेणे आणि देणे गुन्हा आहे. असा प्रकार घडत असल्यास एसीबीच्या १०६४ या टोल फ्री क्रमांकावर संपर्क साधावा, असे आवाहन एसीबीने केले आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
