इंडिया दर्पण ऑनलाईन डेस्क – आंध्र प्रदेशच्या गुंटूर जिल्ह्यातील एक धक्कादायक प्रकार समोर आला आहे. लिव्ह इन पार्टनरने आपल्या प्रेयसीसह तिच्या दोन मुलींना चक्क गोदावरी नदीत ढकलले. सुदैवाने यातील एका मुलीने प्लास्टिकच्या पाईपला पकडले. त्यात ती बचावली. पण, या मुलीची आई आणि बहिण बेपत्ता आहे.
गोदावरी नदीच्या पुलावरुन एकाच कुटुंबातील तिघींना खाली ढकलल्यानंतर त्यातील एका मुलीने स्वत:चे प्राण वाचवले. रविवारी पहाटे पुलावरुन ढकलल्यानंतर या मुलीने प्लास्टिकच्या पाईपला पकडले. त्यानंतर लटकलेल्या अवस्थेत तिने पोलिसांना १०० नंबरला फोन लावला. पोलिसही तातडीने आले व हायवे पोलिसांच्या मदतीने मुलीची सुटका केली. पण, या मुलीची आई व बहिण मात्र बेपत्ता आहे. पोलिस त्यांचा शोध घेत आहे.
आईच्या लिव्ह इन पार्ट्नर असलेल्या सुरेशने या तिघींना ब्रिजवरुन ढकलून दिले. यावेळी मुलीची आई सुहासिनी (३६) आणि तिची बहिण जर्सी (१) सोबत होते. सुरेशने जेव्हा या अल्पवयीन मुलगी गौतमीला ब्रिजवरुन ढकलले तेव्हा मुलीने खाली पडताना ब्रिजला लागून प्लास्टिकचा पाईप पकडला. त्यानंतर तीने स्वत:च्या खिशातून मोबाइल फोन काढला व मदतीसाठी पोलिसांना १०० नबर डायल केला. रविवारी पहाटे ३.५० च्या सुमारास पोलिसांना हा मदत मागणारा फोन आला. त्यानंतर अवघ्या १० मिनीटात पहाटे ४ वाजता पोलिस घटनास्थळी पोहोचले.
ब्रिजला लागून असलेल्या पाईपला त्यांना मुलगी लटकलेल्या अवस्थेत दिसली. त्यानंतर पोलिसांनी हायवे पोलिसांच्या मदतीने मुलीची सुटका केली. या घटनेबाबत गौतमीने पोलिसांना सांगितले की, सुरेश हा माझ्या आईसोबत लिव्ह इन पार्ट्नरमध्ये रहात होता. तो आम्हाला तिघींना ब्रिजवर घेऊन गेला. येथे त्याने गाडी थांबवली. सेल्फी काढण्याच्या बहाण्याने त्याने आम्हाला बाहेर बोलावले. आम्हाला तिघींना त्याने गोदावरी नदीत ढकलून दिले.
Andhra Pradesh Guntur Crime Live in Partner
Godavari River Bridge Thrown Away
