इंडिया दर्पण ऑनलाईन डेस्क – देशातील सर्वात मोठी डेअरी कंपनी अमूलने अमूल फुल क्रीम दुधाच्या दरात प्रति लिटर ३ रुपयांनी वाढ केली आहे. यानंतर अमूलच्या फुल क्रीम दुधाची किंमत 63 रुपये प्रति लिटरवरून 66 रुपये झाली आहे. तसेच अमूल ए2 म्हशीच्या दुधाच्या दरात प्रतिलिटर 5 रुपयांनी 65 रुपयांवरून 70 रुपयांची वाढ करण्यात आली आहे. यासोबतच दुधाच्या इतर प्रकारांचे दरही वाढले आहेत. अमूलने जवळपास सर्व प्रकारच्या दुधाच्या दरात वाढ केली आहे. ताजी दरवाढ आजपासून लागू झाली आहे. म्हणजेच आजपासून तुम्हाला दूध खरेदीसाठी पूर्वीपेक्षा जास्त पैसे मोजावे लागतील.
अमूल दुधाची नवीन किंमत अशी
अमूल फ्रेश ५०० मिली – २७ रुपये प्रति युनिट
अमूल फ्रेश एक लिटर – 54 रुपये प्रति युनिट
अमूल फ्रेश दोन लिटर – रु. 108 प्रति युनिट
अमूल फ्रेश सिक्स लिटर – 324 रुपये प्रति युनिट
अमूल फ्रेश 180 मिली – 10 रुपये प्रति युनिट
अमूल गोल्ड ५०० मिली – ३३ रुपये प्रति युनिट
अमूल गोल्ड एक लिटर – 66 रुपये प्रति युनिट
अमूल गोल्ड सहा लिटर – 396 रुपये प्रति युनिट
अमूल गाय दूध 500 मिली – 28 रुपये प्रति युनिट
अमूल गायीचे दूध एक लिटर – 56 रुपये प्रति युनिट
अमूल ए2 म्हशीचे दूध ५०० मिली – ३५ रुपये प्रति युनिट
अमूल A2 म्हशीचे दूध एक लिटर – 70 रुपये प्रति युनिट
अमूल A2 म्हशीचे दूध सहा लिटर – 420 रुपये प्रति युनिट
दरम्यान, याआधी डिसेंबर महिन्यात दिल्ली-एनसीआरमधील मदर डेअरी या दूध विक्री कंपनीने दुधाच्या दरात लिटरमागे २ रुपयांची वाढ केली होती.
Amul Milk Price Hike from today Check List
