मुंबई – अमरावती येथील खासदार नवनीत राणा याचे जात प्रमाणपत्र हायकोर्टाकडून रद्द करण्यात आले आहे. मुंबई उच्च न्यायालयाने निकाल देतांना दोन लाखांचा दंड आणि सहा आठवड्यात प्रमाणपत्र जमा करण्याचे आदेश दिले आहे. अमरावती हा लोकसभेसाठी एससी राखीव मतदार संघ होता. या मतदारसंघातून नवनीत राणा खासदार म्हणून निवडून आल्या होत्या. माजी सेना खासदार आनंदराव अडसूळ यांनी ही याचिका दाखल केली होती.
खा. नवनीत राणा या अमरावती लोकसभा मतदार संघातून राष्ट्रवादीच्या समर्थनातून निवडून आल्या होत्या. पण, त्यांनी निवडून आल्यानंतर त्यांनी भाजपला समर्थन केले. आता कोर्टाच्या निकालानंतर या लोकसभा मतदार संघाचे समीकरणही बदलणार आहे. जात प्रमाणपत्र रद्द केल्यामुळे नवनीत राणा यांची खासदारकी धोक्यात आली आहे. या निकालानंतर दुस-या क्रमांकाचे उमेदवार माजी खासदार आनंदराव अडसूळ यांना संधी मिळते का ? याबाबत चर्चा आहे. दरम्यान या निकालानंतर खासदार राणा या सर्वोच्च न्यायालयात धाव घेऊ शकता. दरम्यान या निकालामुळे अमरावतीमध्ये राजकीय खळबळ निर्माण झाली आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
