मुंबई (इंडिया दर्पण वृत्तसेवा) – महाराष्ट्र नवनिर्माण सेनेचे अध्यक्ष राज ठाकरे हे नव्या घरात गेल्यानंतर ठाकरे कुटुंबासाठी अतिशय गोड बातमी आहे. राज ठाकरे हे आजोबा झाले आहेत. त्यांचे पुत्र अमित आणि स्नुषा मिताली यांना पुत्ररत्न प्राप्त झाले आहे. ब्रीच कँडी रुग्णालयात मिताली यांची प्रसुती झाली आहे. ठाकरे घराण्यात नव्या पाहुण्याचा जन्म झाल्याने राज ठाकरे हे आता आजोबा झाले आहेत. अमित आणि मिताली यांचा २०१९ मध्ये विवाह झाला होता. सद्यस्थितीत राज यांचे संपूर्ण कुटुंबिय हॉस्पिटलमध्ये आहे. नवा पाहुणा आल्याने ठाकरे कुटुंबामध्ये अतिशय उत्साहाचे वातावरण आहे.
अमित हे गेल्या वर्षभरापासून मनसेमध्ये सक्रीय झाले आहेत. त्यामुळेच ते नाशिक, पुणे आणि मुंबई येथे दौरे करुन पक्षाच्या कार्यात सहभाग घेत आहेत. लवकरच राज्यातील १० महापालिकांच्या निवडणुका हणार आहेत. त्यासाठी अमित हे सक्रीय आहेत. राज यांनी त्यादृष्टीनेही अमित यांच्यावर जबाबदारी दिली आहे. गुढीपाडव्याच्या सणानंतर ठाकरे कुटुंबात आता गोड बातमी आली आहे. अमित हे वडील तर राज हे आजोबा झाले आहेत. ठाकरे परिवारात अतिशय आनंदाचे वातावरण असून विविध स्तरातून ठाकरे कुटुंबियांवर शुभेच्छांचा वर्षाव होत आहे.
