मुंबई – शिवसेनेतून बंड केलेले बंडखोर आमदार कडक बंदोबस्तात आज मुंबईत परतले असून त्यांच्यासाठी असून मुंबई विमानतळ ते ताज प्रेसिडेंट हॅाटेल या मार्गावर विशेष कॉरिडॉर तयार करण्यात आला होता. हे सर्व आमदार ताज प्रेसिडेंट हॅाटेलमध्ये पोहचले. येथे मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या उपस्थितीत बैठक सुरु आहे. या ठिकाणी फडणवीस हे मार्गदर्शन करत आहे. विधानसभा अध्यक्षांची रविवारी निवड असून त्यानंतर बहुमत चाचणी सुध्दा केली जाणार आहे. त्यामुळे या सर्व घडामोडीकडे सर्वांचे लक्ष आहे. हे सर्व आमदार गोव्यातून मुंबईत आले. त्यावेळेस मुख्यमंत्री एकनाथ शिंदे त्यांच्याबरोबर होते. रविवारी विधानसभा अध्यक्षपदासाठी भाजपचे राहुल नार्वेकर विरुद्ध शिवसेनेचे राजन साळवी अशी लढत होणार आहे. या निवडणुकीची सर्व व्यूहरचना बैठकीत ठरवण्यात येत आहे.
