विशेष प्रतिनिधी, मुंबई
आपल्या आजूबाजूला परसात, घराच्या अंगणात, टेरेसवर आपण छोटीशी बाग लावतो. या बागेत अनेक उपयुक्त झाडे, झुडपे, फुले, पाने, फळे असतात. यापैकीच एक म्हणजे कोरफड होय. कोरफडचे आयुर्वेदिक गुणधर्म सर्वांनाच माहित आहेत. कोरफडचा उपयोग खाण्यासाठी तसेच त्वचा आणि केसांसाठी होतो. परंतु आता आणखी एक नवीन संशोधन समोर आले आहे.
इंदूरच्या आयआयटीमधील संशोधनातून अशी माहिती समोर आली आहे की, कृत्रिम रसायनांऐवजी मेमरी चीप्स सारख्या डेटा स्टोरेज करण्यासाठी कोरफड फुलांच्या रसामध्ये आढळणारी नैसर्गिक रसायने वापरल्यास संशोधनात नवीन मार्ग निर्माण जाऊ शकतात. इंदूरच्या इंडियन इन्स्टिट्यूट ऑफ टेक्नॉलॉजी (आयआयटी) च्या संशोधकांनी असा दावा केला आहे की, कोरफड फुलांच्या रसात काही विशिष्ट रसायने देखील असतात, जे मेमरी चिप्स आणि इतर डेटा स्टोरेज उपकरणांच्या निर्मितीमध्ये उपयुक्त ठरू शकतात.
