मुंबई (इंडिया दर्पण वृत्तसेवा) – भारतीय नागरिक खूपच चित्रपट प्रेमी आहेत त्यामुळे एखादा चित्रपट चांगला असेल किंवा आवडला तर त्याला ते इतके डोक्यावर घेतात की, अनेक दिवस त्या चित्रपटाची सर्वत्र हवा सुरू असते. पुष्पा या चित्रपटाबद्दल देखील सध्या असेच सुरू आहे. या चित्रपटाच्या प्रचंड यशानंतर आता पुष्पा 2 संदर्भात सोशल मीडियावर जोरदार चर्चा सुरू झाली आहे.
अल्लू अर्जुन आणि रश्मिका मंदान्ना यांच्या पुष्पा चित्रपटाने बॉक्स ऑफिसवर अनेक विक्रम मोडले. थिएटरपासून सोशल मीडियापर्यंत सर्वत्र चित्रपटाने धुमाकूळ घातला होता. पुष्पाच्या यशानंतर, बरेच नागरिक असा अंदाज लावत होते की, निर्माते लवकरच त्याचा दुसरा भाग देखील प्रदर्शित करतील.
पुष्पा 2 बद्दल अनेक नवीन अपडेट्स समोर येत आहेत. यावेळी प्रेक्षकांना पुष्पा 2 मध्ये अल्लू अर्जुन आणि फहद फासिल यांच्यातील जबरदस्त अॅक्शन सीन बघायला मिळणार आहे. निर्माते दोघांमध्ये अॅक्शन सीन शूट करण्याच्या तयारीत आहेत. यासोबतच चित्रपटाशी संबंधित अनेक नवीन अपडेट्सही समोर आले आहेत.
समंथा रुथ प्रभूने पुष्पामधील ऊ अंतवा या गाण्याद्वारे सर्वांची मने जिंकली. या गाण्यात दाखवलेली त्याची बोल्ड स्टाइल आजही लोकांच्या मनातून उतरू शकलेली नाही. रिपोर्ट्सवर विश्वास ठेवला तर, पुष्पा 2 मध्ये देखील प्रेक्षकांना सामंथाचा आणखी एक आयटम नंबर पाहायला मिळेल. यासोबतच अनेक ठिकाणी अशा गोष्टीही समोर येत आहेत की पुष्पा 2 मध्ये समंथाच्या जागी दिशा पटानीचे आयटम साँग देखील असू शकते.
अल्लू अर्जुनच्या चाहत्यांना हे जाणून आनंद होईल की, पुष्पा 2 ची तयारी जोरात सुरू आहे. एका रिपोर्ट्समध्ये असेही सांगितले जात आहे की, डीएसपीने या चित्रपटासाठी तीन गाणी देखील संगीतबद्ध केली आहेत. वास्तविक आधी पुष्पाचा दुसरा भाग बनवण्याची योजना नव्हती. आता दोन भागात बनवायचे ठरल्याबरोबर डीएसपीने आधीच तयार केलेली गाणी पुष्पा 2 साठी राखून ठेवली आहेत.
