नाशिक – जनता कर्फ्यू च्या आवाहनाला प्रतिसाद देण्यासाठी बांधकाम क्षेत्रात काम करणाऱ्या सर्व लहान-मोठ्या बिल्डर्स, कॉन्ट्रॅक्टर्स यांनी आपली चालणारी कामे, साईट तसेच इतर कामे २१ एप्रिल पासुन १ मे पर्यंत बंद ठेवावीत असे आवाहन बिल्डर्स असोसिएशन ऑफ इंडिया [ बी.ए.आय ] च्या नाशिक शाखेद्वारे करण्यात आले आहे. अशा प्रकारचे निवेदन बिल्डर्स असोसिएशन ऑफ इंडियाच्या नाशिक शाखेचे अध्यक्ष अभय चोकसी यांच्या वतीने प्रसिध्दीस दिले आहे. .
संपूर्ण जगभर कोरोना या महामारीचा प्रचंड उद्रेक गेल्या काही महिन्यात झाला आहे. आपल्या देशात देखील जवळपास प्रत्येक राज्यात कोरोना फोफावतांना दिसत आहे. त्यातल्या त्यात नाशिक जिल्ह्यातील कोरोना रुग्णांची स्थिती, वाढणारी संख्या ही भीतीदायक झाली आहे. आज लोकसंख्या आणि कोरोना बाधित यांची तुलना केल्यास नाशिक सर्वात अग्रस्थानी आहे. शासन, प्रशासन, पोलिस व आरोग्य सेवा देणारे सर्वच जणांवर प्रचंड ताण पडतो आहे. रुग्णांना सेवा देणारी यंत्रणा कोलमडून पडण्याची स्थिती निर्माण झाली आहे.अशा परिस्थितीत या सर्व यंत्रणेवर पडणारा ताण कसा कमी करता येईल हे बघणे आपले कर्तव्य आहे. त्यासाठी पालकमंत्री छगन भुजबळ यांच्या सूचनेवरून कोरोना या विषाणूची साखळी तोडणेसाठी हे निवेदन सर्व संबंधित यांना देण्यात आले असल्याचेही अध्यक्ष अभय चोकसी, सचिव विजय बाविस्कर, माजी राष्ट्रीय अध्यक्ष अविनाश पाटील व अन्य सभासद यांनी नमूद केले.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
