पुणे (इंडिया दर्पण वृत्तसेवा) – तुम्ही दररोज अनेक प्रकारचे पदार्थ चाखत असाल. काहीजण घरी स्वादिष्ट पदार्थ बनवतात, तर काही हॉटेल किंवा रेस्टॉरंटमध्ये जाऊन जेवण करतात. यामध्येही बरेच लोक शुद्ध शाकाहारी पदार्थ खातात, तर काहींना मांसाहाराचा आनंद मिळतो. पण असे अनेक लोक आहेत ज्यांना अंडी खायला खूप आवडतात. उकडलेले अंडे, अंड्याची भुर्जी, ऑम्लेट किंवा अंडी करी यांसारख्या गोष्टी बनवायला आणि खायला आवडतात. पण तुम्ही खात असलेली अंडी खरी आहेत हे तुम्हाला माहीत आहे का? कारण बनावट अंडीही बाजारात विकली जात आहेत. अशा परिस्थितीत खरी अंडी कोणती आणि बनावट अंडी कोणती हे ओळखणे महत्त्वाचे आहे, जेणेकरून कोणीही तुमच्या आरोग्याशी खेळू शकणार नाही.
पर्याय १
बनावट अंडी बनवण्यासाठीही प्लास्टिकचा वापर केला जातो. म्हणूनच तुम्हाला हवे असल्यास, तुम्ही आगीच्या मदतीने खोट्यापासून खरे ओळखू शकता. अंडे तुम्ही आगीजवळ घेऊन जा. जर अंड्याला जळत्या प्लास्टिकचा वास येत असेल किंवा अंड्याला आग लागली तर ते अंडे बनावट असल्याचे समजा..
पर्याय २
जेव्हा तुम्ही अंडी खरेदी करता तेव्हा अंड्याच्या चमकीकडे कधीही आकर्षित होऊ नका. बऱ्याच लोकांना असे वाटते की जर अंडी चमकदार असेल तर ते योग्य असते. परंतु तसे नाही. बनावट अंड्यांमध्ये खऱ्या अंड्यांपेक्षा जास्त चमक असते. त्यामुळे ते लक्षात ठेवा.
पर्याय ३
अंडी खरेदी करण्यासाठी दुकानात गेल्यावर तपासणी केल्याशिवाय आणू नका. प्रथम अंडी कानाजवळ घ्या आणि नंतर हलवा. जर अंड्यातून आवाज येत नसेल तर हे अंडे खरे असू शकते. तर अंडी हलवताना आवाज आला तर अंडी बनावट असू शकते.
क्रमांक ४
जेव्हा तुम्ही अंड्यांना हाताने स्पर्श करता तेव्हा लक्षात घ्या की अंडी गुळगुळीत आहेत की खडबडीत आहेत. वास्तविक, जी अंडी गुळगुळीत असतात ती खरी अंडी असतात. तर नकली अंडी खडबडीत असतात. त्यामुळे अंडी खरेदी करताना हे लक्षात ठेवा.
Alert Plastic Eggs Sale in Market How to Identify
