मुंबई (इंडिया दर्पण वृत्तसेवा) – ऑनलाईन बँकिंग व्यवहार वाढल्याने फसवणुकीचे प्रकार देखील वाढले आहेत. त्यातच क्रेडिट कार्ड पॅन कार्ड फ्लिपकार्ट यासारख्या माध्यमातून अनेकांची मोठ्या प्रमाणावर पासून होते. यामध्ये प्रसिद्ध सेलिब्रिटींचा देखील फसवणूक झाल्याचे उघड झाले आहेत.
बॉलिवूड अभिनेता राजकुमार राव फसवणुकीचा बळी ठरला आहे. कोणीतरी त्यांचे पॅन कार्ड वापरून कर्ज घेतले आहे. या कर्जामुळे त्याच्या क्रेडिट स्कोअरवरही परिणाम झाल्याचा दावा अभिनेत्याने केला आहे. अभिनेत्याने ट्विट करून क्रेडिट इन्फॉर्मेशन ब्युरो लिमिटेड (CIBIL) ला या प्रकरणावर कारवाई करण्याची विनंती केली.
ट्विटमध्ये राजकुमार राव यांनी लिहिले की, माझ्या पॅन कार्डचा गैरवापर झाला आहे आणि माझ्या नावावर 2500 रुपयांचे छोटे कर्ज घेण्यात आले आहे. त्यामुळे माझ्या CIBIL स्कोअरवर परिणाम झाला आहे. @CIBIL_Official कृपया हे दुरुस्त करा आणि त्याविरुद्ध खबरदारीचे उपाय करा.
दरम्यान, राजकुमार राव फसवणुकीची या वर्षात दुसरी वेळ आहे. या जानेवारीच्या सुरुवातीला, त्याने एक बनावट ईमेल देखील उघड केला होता. ज्यामध्ये राजकुमार राव यांच्या नावाने 3 कोटी रूपयांची मागणी करण्यात आली होती.
काही टिप्स जाणून घेऊन तुम्ही अशा पॅन कार्डच्या फसवणुकीपासून देखील वाचू शकता…
पॅन कार्डवर कर्ज नाही का ते कसे तपासायचे?
सध्याच्या अशी अनेक प्रकरणे समोर आली आहेत जेव्हा पॅनकार्डधारकांना त्यांच्या पॅनकार्डवर परवानगीशिवाय कर्ज देण्यात आल्याचे समोर आले आहे. पॅन नंबरवर कर्ज आहे की नाही हे जाणून घेण्यासाठी तुम्ही तुमचा क्रेडिट स्कोअर देखील तयार करू शकता. यासाठी पेटीएम किंवा बँक बाजार सारखे कोणतेही प्लॅटफॉर्म वापरू शकता आणि तुमचा आर्थिक अहवाल तपासू शकता. फक्त तुमचे नाव, जन्मतारीख आणि पॅन कार्डचे तपशील सबमिट करायचे आहेत आणि तुमच्या पॅन कार्डवर इतर कोणी कर्ज घेतले आहे की नाही हे कळेल.
पॅन कार्ड फसवणूक कशी टाळायची?
– तुमचा पॅन कार्ड क्रमांक कोणत्याही अनोळखी व्यक्तीसोबत शेअर करू नका.
– सोशल मीडिया प्लॅटफॉर्म किंवा व्हॉट्सअॅपवर तुमच्या पॅन कार्डचा तपशील कधीही शेअर करू नका.
– तुमच्या पॅन कार्डची छायाप्रत सोबत ठेवा.
– जर तुमच्यासोबत पॅन कार्डची फसवणूक झाली असेल तर तुम्ही त्याची तक्रार आयकर विभागाकडे करू शकता.
– यासाठी तुम्हाला आयकर विभागाच्या https://incometax.intalenetglobal.com/pan/pan.asp या वेबसाइटला भेट द्यावी लागेल.
– पुढे येथे तुम्हाला काही तपशील आणि तुमची तक्रार प्रविष्ट करावी लागेल.
