भारत बायोटेक या कंपनीला कोवॅक्सिन या लसीच्या निर्मितीसाठी पुण्यामध्ये जागा देण्यास राज्य सरकार इच्छूक आहे. मात्र, या कंपनीने उत्पादित होणाऱ्या लसीपैकी ५० टक्के लस या महाराष्ट्राला द्यावेत, अशी अट राहणार आहे. यासंदर्भात अधिकाऱ्यांनी भारत बायोटेक प्रशासनाशी चर्चा करावी, असे निर्देश उपमुख्यमंत्री अजित पवार यांनी दिले आहेत. महाराष्ट्राला मिळणारी लस नियमानुसार सर्वांना पुरवली जाईल, असेही पवार यांनी स्पष्ट केले आहे. कोरोना आढावा बैठकीनंतर पवार हे माध्यमांशी बोलत होते.
भारत बायोटेकने लस उत्पादनासाठी २० एकर जागेची मागणी केली आहे. ती देण्याची तयारी राज्य सरकारने दर्शविली आहे. या जागेची पाहणी जिल्हाधिकारी, विभागीय महसूल आयुक्त यांनी केली आहे. याठिकाणी वीज, पाणी आणि अन्य सुविधा प्राधान्याने पुरविल्या जाणार आहेत. साधारण पुढील तीन महिन्यात येथून उत्पादन सुरू होण्याची चिन्हे आहेत. येथे उत्पादित होणाऱ्या लसीतील ५० टक्के लस ही केंद्र सरकारला द्यावी लागेल. उर्वरीत ५० टक्के कोवॅक्सिन लसीचा पुरवठा महाराष्ट्राला झाला तर लसीकरणाला आणखी वेग येईल, असेही पवार यांनी स्पष्ट केले.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
