नवी दिल्ली (इंडिया दर्पण वृत्तसेवा)- नागालॅंडमध्ये अजित पवार यांच्या राष्ट्रवादी काँग्रेसच्या ७ आमदारांनी सत्ताधारी नॅशनलिस्ट डेमोक्रॅटिक प्रोगेसिव्ह पार्टीत प्रवेश केला. राष्ट्रवादी नागालॅंडमध्ये विरोधी पक्ष होता.
६० सदस्यीय विधानसभेत राष्ट्रवादीच्या या आमदारांनी प्रवेश केल्यामुळे नॅशनलिस्ट डेमोक्रॅटिक प्रोगेसिव्हच्या ३२ संख्याबळ झाले आहे. याअगोदर त्यांची संख्या २५ होती. काल संध्याकाळी राष्ट्रवादीच्या आमदारांनी विधानसभा अध्यक्षांकडे विलीकरणाचे पत्र दिले. त्याला अध्यक्षांनी मंजूरी दिली.
त्यानंतर राष्ट्रवादीचे महासचिव बृजमोहन श्रीवास्तव यांनी त्यावर प्रतिक्रिया दिली आहे. विधानसभा निवडणुकीत नागालँडच्या मतदारांनी एनसीपीवर विश्वास दाखवला होता. जनादेश आमच्या बाजूने होता. आता पक्ष बदलाविरोधात कायद्यातील तरतुदींनुसार आणि इतर कायदेशीर प्रक्रियेतंर्गत चौकशी करण्यात येईल आणि पुढील कारवाई करण्यात येईल.
