इंडिया दर्पण ऑनलाईन डेस्क
विधानसभा निवडणुकीच्या निकालानंतर आता सरकार स्थापनेच्या हालचालींना वेग आला आहे. या निवडणुकीत महायुतीला २३० जागा मिळाल्या असून त्यात भाजप १३२ जागा जिंकून सर्वात मोठा पक्ष ठरला आहे. तर महायुतीचे घटक पक्ष असलेल्या शिवसेना शिंदे गटाला ५७ तर अजित पवार गटाला ४१ जागा मिळाल्या आहे. त्यानंतर आता हे सर्व घटक पक्ष आता आपल्या आमदारांची बैठक घेत असून राष्ट्रवादी अजित पवार गटाची बैठक आताच संपली आहे.
या बैठकीत अजित पवार यांची गटनेतेपदी निवड करण्यात आली आहे. शिंदे गटाची बैठक आता लवकरच होणार असून त्यात एकनाथ शिंदे यांचीच वर्णी लागणार आहे. अजित पवार गटाची देवगिरी बंगल्यावर बैठक झाली. त्यात निवडून आलेले सर्व आमदार उपस्थितीत होते.
