इंडिया दर्पण ऑनलाईन डेस्क
आर. आर. पाटील यांनी माझा केसाने गळा कापला, ७० हजार कोटी सिंचन घोटाळ्याच्या फाईलवर त्यांनीच ओपन चौकशी करण्याची सही केल्याचा आरोप उपमुख्यमंत्री अजित पवार यांनी केला. सरकार बदलल्यानंतर ही फाईल गृहमंत्रालयात गेली होती. त्यावेळेस देवेंद्र फडणवीस मुख्यमंत्री होते. त्यांनी त्यावर सही केली.
देवेंद्र फडणवीस यांनी त्यांच्या बंगल्यावर बोलवून आर.आर. पाटील यांनीच तुमची खुली चौकशी करावी असे आदेश देत सही केल्याचे दाखवले. ज्यांच्यावर एवढा विश्वास ठेवला, एवढं सहकार्य केल, त्यात आर.आर.पाटील होते. पण, त्यांनी माझा केसाने गळा कापला होता. असा गंभीर आरोप अजित पवार यांनी केला.
ते आज तासगाव येथे संजय काका पाटील यांच्या प्रचार सभेत बोलत होते. ते म्हणाले माझ्यावर आरोप झाला तेव्हा महाराष्ट्र राज्याची १ मे १९६० निर्मिती होऊन त्या दिवसापर्यंत पगार आणि सगळ्यांचा खर्च ४२ कोटी रुपयांचा होता.
