विशेष प्रतिनिधी, नवी दिल्ली
इंडिया इन्स्टिट्यूट ऑफ मेडिकल सायन्स (AIIMS) रायपूरने काल २५ ऑगस्ट २०२१ पासून सहाय्यक प्राध्यापक भरतीसाठी ऑनलाईन नोंदणी सुरू केली. इच्छुक आणि पात्र उमेदवार एम्स रायपूर aiimsraipur.edu.in च्या अधिकृत वेबसाईटद्वारे ऑनलाईन अर्ज करू शकतात. या भरतीद्वारे एम्स रायपूरच्या विविध विभागात सहाय्यक प्राध्यापकांच्या पदांसाठी एकूण 50 रिक्त जागा भरल्या जाणार आहेत.ऑनलाईन अर्ज करण्याची शेवटची तारीख १४ सप्टेंबर 2021 पर्यंत आहे. एम्स मध्ये नोकरीसाठी पदव्युत्तर MD किंवा MS कोणत्याही मान्यताप्राप्त विद्यापीठ किंवा संस्थेतून संबंधित विषयात केले पाहिजे. मान्यताप्राप्त संस्थेत संबंधित विषयात तीन वर्षांचा अध्यापन किंवा संशोधन अनुभव असावा. अर्जदारांचे वय ५० वर्षांपेक्षा जास्त नसावे. आरक्षित प्रवर्गातील उमेदवारांना सरकारी निकषांनुसार उच्च वयोमर्यादेत सवलत मिळेल. एम्स रायपूर सहाय्यक प्राध्यापक भरती २०२१ कराराच्या आधारावर केली जाणार आहे. ज्या उमेदवारांना या पदावर नोकरी मिळेल, त्यांना दरमहा १,४२,५०६ रुपये वेतन दिले जाईल. अर्जदारांनी एम्स रायपूरच्या अधिकृत वेबसाईट aiimsraipur.edu.in ला भेट देणे आवश्यक आहे, ऑनलाईन अर्ज भरणे आणि त्याची प्रिंटआउट घेणे आवश्यक आहे. फॉर्मचे प्रिंटआऊटवर स्पीड पोस्ट किंवा कुरिअरने स्वाक्षरी करून पाठवावे, सोबतच वय, शैक्षणिक पात्रता, अनुभव, श्रेणी इत्यादींशी संबंधित सर्व कागदपत्रांच्या स्वयंप्रमाणित छायाप्रती द्याव्यात. त्याकरिता – रिक्रूटमेंट सेल, दुसरा मजला मेडिकल कॉलेज बिल्डिंग गेट क्रमांक -5, एम्स रायपूर, जीई रोड, टाटीबंध, रायपूर (छत्तीसगड) पिन 492099. हा अर्ज पाठवण्याचा पत्ता आहे.
