इंडिया दर्पण ऑनलाईन डेस्क – प्रसिद्ध बॉलिवूड अभिनेता रणवीर सिंग न्यूड फोटोशूट करुन चर्चेत आला आहे. काही दिवसांपूर्वीच त्याने न्यूड फोटोशूट करुन यातील काही फोटो सोशल मीडियावर शेअर केले. हे फोटो सध्या मोठ्या प्रमाणावर व्हायरल होत असून त्यावर नेटकऱ्यांकडून संमिश्र प्रतिक्रिया येत आहे. यामध्येच कलाविश्वातील अनेक कलाकारांनी त्याला पाठिंबा दिला आहे.
विशेष म्हणजे एकीकडे रणवीरच्या त्या फोटोची चर्चा सुरू असतानाच एका ५१ वर्षाच्या अभिनेत्रीने न्यूड फोटोशूट केले आहे. आता हॉलिवूड सुपरस्टार जेनिफर लोपेजने बोल्ड फोटोशूट करून दहशत निर्माण केली आहे. या अभिनेत्रीचे फोटो चाहत्यांमध्ये मोठ्या प्रमाणात व्हायरल होत आहेत. अमेरिकन गायिका आणि अभिनेत्री जेनिफर लोपेजने रणवीर सिंगवर मात करणारं फोटोशूट केलं. बॉलिवूड अभिनेता रणवीर सिंग सध्या त्याच्या बोल्ड फोटोशूटमुळे चर्चेत आहे. अभिनेत्याने कपडे न घालता एका मासिकासाठी फोटोशूट केले होते आणि त्याच्या या फोटोंनी सोशल मीडियावर खळबळ उडवून दिली होती.
अमेरिकन गायिका आणि अभिनेत्री जेनिफर लोपेझने तिचा 53 वा वाढदिवस नुकताच साजरा केला. यावेळी सुपरस्टारने तिच्या बोल्ड फोटोशूटचा एक व्हिडिओ इंस्टाग्रामवर शेअर केला, ज्यामध्ये जेनिफर काळ्या रंगाची मोनोकिनी परिधान केलेली दिसत आहे. मात्र, व्हिडिओच्या थंबनेलमध्ये अभिनेत्रीने कोणतेही कपडे न घालता तिचा फोटो टाकला आहे. व्हिडिओची खास गोष्ट म्हणजे या स्टाईलमध्येही जेनिफर खूप आत्मविश्वासाने दिसत आहे. हा व्हिडिओ जेनिफरच्या अॅड शूटचा आहे.
विशेष म्हणजे सोशल मीडियावर जेनिफरचा हा व्हिडीओ अनेक चाहत्यांना खूप आवडला आहे. अर्थातच रणवीर सिंग त्याच्या बोल्ड फोटोंमुळे ट्रोल झाला होता, पण जेनिफरच्या पोस्टवर लोक खूप प्रेमाचा वर्षाव करत आहेत. अनेकांनी अभिनेत्रीला हॉट म्हटले आहे, तर काही लोक जेनिफरच्या स्टाइलचे कौतुक करत आहेत. दुसऱ्या युजरने लिहिले, तुम्ही खरच 53 वर्षांचे आहात का?’ एका व्यक्तीने लिहिले – तुम्ही 53 मध्ये असे दिसत आहात. काही नागरिकांनी जेनिफरलाही ट्रोल केले असले तरी स्तुती करणाऱ्यांची संख्या जास्त आहे.
जेनिफर लोपेझने 17 जुलै रोजी तिचा दीर्घकाळचा बॉयफ्रेंड आणि अभिनेता बेन एफलेकशी लग्न केले. अमेरिकेच्या प्रसिद्ध शहरात लास वेगासमध्ये दोघांनी कायमचा एकमेकांचा हात धरला. जेनिफर आणि बेनच्या लग्नाचे फोटो सोशल मीडियावर व्हायरल झाले होते. मात्र, ही छायाचित्रे नवविवाहित जोडप्याने शेअर केलेली नाहीत. दोघांनीही आपले लग्न पूर्णपणे खासगी ठेवले होते.
प्रसिद्ध अमेरिकन गायिका आणि अभिनेत्री जेनिफर तिच्या करिअरपेक्षा बोल्डनेसमुळे बऱ्याचदा चर्चेत येत असते. यावेळी या फोटोशूटचा बिहाईंड द सीनचा व्हिडीओ तिने इन्स्टाग्रामवर शेअर केला आहे. जेनिफरने तिच्या वाढदिवसाचं निमित्त साधत हा व्हिडीओ शेअर केला. सोबतच एक मेसेजही चाहत्यांना दिला आहे. “आपण आपल्या त्वचेकडे आणि चेहऱ्याकडे विशेष लक्ष देतो. पण, तितकंच लक्ष आपल्या शरीराकडे देत नाही. माझ्या शारीरिक गरजा लक्षात घेता एक स्किनकेअर रुटीन तयार करणं महत्त्वाचं होतं”, असं कॅप्शन तिने या व्हिडीओला दिलं. दरम्यान, जेनिफर लोपेज ही प्रसिद्ध अमेरिकन गायिका, अभिनेत्री आणि डान्सर आहे. तसंच तिने फॅशन जगतातही नशीब आजमावलं आहे. जेनिफरने ‘सेलिना’, ‘आउट ऑफ साइट’, ‘एंजल आइस’ या चित्रपटांमध्ये काम केलं आहे.
After Ranbir Singh this Actress Shoot Nude Photo Video Viral
