सीरम इन्सिट्यूटचे अध्यक्ष सायरस पुनावाला गेल्या काही दिवसांपासून त्यांचा मुलगा आदर पुनावाला यांच्याकडे लंडनला मुक्कामी आहेत. पण देश सोडल्याच्या आरोपांचे त्यांची खंडन केले आहे. लंडन येथील एका वृत्तसंस्थेशी बोलताना ते म्हणतात की, उन्हाळ्याच्या सुट्यांसाठी मी लंडनला आलो आहे. दरवर्षी मे महिन्यात मी इथे येत असतो. संकटाच्या काळात माझ्यावर किंवा माझ्या मुलावर देश सोडण्याचा आरोप होणे दुर्दैवी आहे.
सायरस पुनावाला यांना व्हॅक्सीन किंग म्हणून ओळखले जाते. सीरम इन्स्टिट्यूट ऑफ इंडियाचे सीईओ आदर पुनावाला यांनी आतापर्यंत ९० टक्के कोविड लशींची पूर्तता भारतात केली आहे. ते सुद्धा एक महिन्यापासून लंडनमध्ये आहेत. पुनावाला म्हणाले की, मला आठवतं मी दरवर्षा मे महिन्यात भारताच्या बाहेरच राहिलो आहे. प्रत्येकाला उन्हाळ्यात सुट्या हव्या असतात आणि त्यात काहीच नवे नाही, असेही त्यांनी म्हटले आहे.
संग्रहित फोटो
एका मुलाखतीत त्यांनी राजकीय नेते व गुंडांकडून धमक्या मिळत असल्याचा आरोप केला होता. कोविशिल्ड लसींच्या पुरवठ्यासाठी त्यांच्यावर दडपण आणले जात आहे, असेही त्यांनी म्हटले होते. भारतात लसींच्या मागणीवरून संघर्ष पेटला आहे. अशात स्टॉक सुरक्षित करण्यात सरकार अपयशी ठरले आहे आणि वेळेवर उत्पादन करण्यात सीरम इन्स्टिट्यूटला दोषी ठरविले जात आहे. त्यावर उत्तर देताना आदर पुनावाला यांनी रातोरात उत्पादन वाढविणे शक्य नसल्याचे म्हटले होते. त्यांची कंपनी उत्पादन वाढविण्यासाठी सर्व प्रयत्न करीत आहे. संभाव्य लक्ष्य गाठण्यासाठी आणखी मेहनत करावी लागेल, असेही त्यांनी म्हटले.
आदर पुनावाला यांनी १ मे रोजी एका ट्वीटद्वारे म्हटले होते की, लंडनमध्ये त्यांचा मुक्काम तात्पुरता असून काही दिवसांनी भारतात येणार आहेत. आता त्यांचे वडीलही लंडनला गेल्यामुळे वाद छेडला आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
